الاتهامات التى وجهها الغندور، دفعت رئيس تحرير 90 دقيقة للرد عبر صفحته على الفيس بوك حفاظا على البرنامج، وقال "عبد الراضى"أن اللاعب السابق والمذيع خالد الغندور حب يعمل شوشرة لكن 90 دقيقة عمره أكثر من 10 سنوات ولا نحضر مداخلات مثلما يحدث فى برنامجه اللي اتقفل وبندخل ناس بمزاجنا زي عنده..هو ظن أن كل الناس زيه.

وأكد أن برنامج 90 دقيقة عمره 10 سنوات وأكبر من اتهام الغندور، مبديا استيائه من تصرف لاعب الزمالك السابق وقال "تصرفه علي الهوا غير مقبول وإني لولا أني اعتبرته ضيف كنت هامشيه زعلانً، يا خالد اللي متعرفوش لأنك دخيل على مهنة الإعلام إننا جايبين ضيف عشان يعرض وجهة نظره مش عشان نعمله كماشة من الاتصالات التليفونية المفبركة ده أسلوب بلدى وقديم وخلص من زمان ومش بتاعنا وإحنا أكبر من أننا نعمل كده احنا إعلام عشر سنين مهنى محترم صادق.

وتابع:"احنا تاريخ من المصداقية مينفعشى على آخر الزمن بتوع محدثين الإعلام يعلمونا إعلام واللى بيشك فى الاتصالات أو أنها موجهه يبقا بيعمل كده فى برنامجه، مستطردا:"الزيف الذي تحدث عنه " الغندور " بأنني أهلاوي ومنحاز ودخلت عليه " ناهد " وده تعمد مني ده تصرف " أحمق " من الغندور لأنه لا مهنيتي ولا تاريخي ولا أخلاقي تسمح إني أدخل تليفونات وأوجهها".