أعربت المطربة الشابة شذى عن حبها الشديد للمطرب هيثم شاكر، والتي تربطهم علاقة صداقة قوية، فشارك صورة برفقته عبر حسابها الرسمي على موقع الفيديوهات والصور الشهير "إنستجرام".

وعلقت "شذى" على الصورة قائلة: "طيب والنبي أنت أقول فيك إيه، الصاحب والأخ، عشرة يجي كده 15 سنة، النجاح والبداية، اللي بجد ربنا كتبهالنا في نفس الوقت، إتناقرنا كتير وسخافنا على بعض كتير، وسهرنا نشتغل، ونسجل، ونجتهد كتيييييييييير، وياما كنت بعملكوا كماين أنت وحميد وأفضل أنفسن عليك علشان الكمنجات في أغانيك أكتر من الأغاني بتاعتي، وأقول للكابو إشمعنى".

وأضافت: "اشتغالنا حفلات كتير قوي مع بعض وعملنا دويتو مصيره غير معلوم حتى الآن، أنا محتاجه كتاب أكتبوا عن علاقه القط والفار بيني وبين هيثم، بس في الآخر هو الجدع والطيب وصاحب صاحبه، واللي بجد من ريحه أحلى أيام في حياتي وربنا كتبلنا ننجح بألبوماتنا في نفس السنة، هو آه نزل قبلي بكام شهر اكيد بس بجد هو من ريحه أحلى أيام، لما كانو أهلي فضهري كده والدنيا كانت وردي والأحلام كلها قريبة".

واختتمت كلامها: "من الآخر هيثم بجد من أهم وأحلى أصوات الوطن العربي مطرب تقيل بجد إن شاء الله كل اللي هيجي يكون نجاحات ونفضل وش السعد على بعض يا أجدع هيثوم، وعادي هفضل اطلع عينك".