المواطن

رئيس مجلسي الإدارة والتحرير
مسعد شاهين

صحة ومرأة

فضفضة لـ"بوابة المواطن".. نصائح الخبراء للزوجة للفت نظر زوجك بدلا من الطلاق

الإثنين 16/أبريل/2018 - 06:15 م
نصائح للفت نظر زوجك
نصائح للفت نظر زوجك
طباعة
مروة محمد
"خلاص جوزي مبقاش بيشوفني أنا بخسره واحدة واحدة ومش عارفة أعمل" هكذا بدأت إمرأة لم تتجاوز الثلاثين من عمرها سرد قصتها لمحررة بوابة المواطن اليوم لتشتكي من زوجها وتركه لها وإليكم تفاصيل المشكلة كما روتها صاحبتها.

" أنا عندي 28 سنة متجوزة من 4 سنين وتعبانة جدا جدا وفعلا عايزة حد يسمعني ويجيبلي حل ضروري لمشكلتي لأن بيتي بيتخرب ومفيش حد بيقف جنبي ولا بيساعدني خالص ومش عارفة أعمل ايه".

"علاقتي بجوزي مش زي أي علاقة إحنا مش مجرد اتنين حبيبه وخلاص، لأ احنا أكثر من كدا بكتير إحنا حبينا بعض كتير من وإحنا لسه في 2 إعدادي وعشان نتجوز قامت معارك كتيرة اووووي، أيوه معارك بلاش تستغربي اللفظ أهلى كانوا شايفنا صغيرين ومش هنعرف نفتح بيت وأهله مكنوش عايزين يجوزه ليا أنا كانوا عايزين يجوزه بنت خالته لأنها من لحمه ودمه وهما أولى ببعض من الغرب دي كانت نظريتهم".

وفقنا قدام الكل ودافعنا عن حبنا كتير بطريقة مستميته مش قادرة اوصفها ليكم دافعنا اد إيه عشان حبنا دا يعيش وفعلا اتخطبنا واتجوزنا بعد تحدي كبير وأثبتنا ليهم كلهم انهم كانوا غلط وحملي اتأخر شوية واتفقت أنا وجوزي إننا مش هنفكر نكشف قبل ما تعدي علينا سنة ونعيش بقى حياتنا بالطريقة العادية".

"عشنا وكأننا عرسان في شهر العسل ولم ينتهي فكان كل يوم يراني عروسة جديدة وكان لا يحب الخروج من المنزل مطلقا ويقول لي هخرج بره البيت واتحرم من الحلويات اللي جواه مش هشوف بره البيت أحلى من كدا وكان دائما بيعاكس فيا".

"ربنا محبش يزعلنا ويخلينا مستنين موضوع الخلفة كتير أو كان بيراضينا لأننا صبرنا وحملت قبل ما تعدي السنة وخلفت وغصب عني أنا معترفة إني غلطانة انشغلت بابني جدا وفقدت اهتمامي بنفسي وبجمالي لكني مكنتش حاسة بدا بدأت أبعد عنه شوية بشوية ومش لاحظت كدا إلا لما لاقيته مرة واحدة مش موجود في البيت ولا في حياتنا".

"أمه وأهله استغلوا الفرصة وبقوا يشجعوه انه يسيب البيت أكتر واكتر ولما واجهته ببعده عنه وانه اتحول واتغير وبقى يحب الخروج لوحده كتير ومش بيحب يقعد في البيت زي الأول قالي انه سايبنا براحتنا أنا وابني وأنا دلوقتي مش عارفة أعمل ايه ولا حتى أرجعه ليا ازاي أنا خلاص حاسه إن نهاية جوازنا قربت بس كل دا بسبب غبائي أنا".

رد الخبراء على هذه المشكلة 

على الفور توجهت محررة بوابة المواطن إلى الخبراء لأخذ رأيهم في هذه المشكلة فالفتاة معترفة أنها مخطئة وتطلب طريقة لتعيد إليها زوجها مرة آخرى ولذا فقد قدم لها الخبراء الحل في لفت نظر زوجها لها مجددا مرة آخرى ولتعود عروسة كما كانت من قبل في ثلاثة خطوات وهم كالتالي.

نصائح للفت نظر زوجك 

شكلك وشعرك ولبسك

شكلك أول شئ تقع عليه عين حبيبك فينبغي عليكي التغيير الدائم به، قومي بتغيير تسريحة شعرك كل يوم عن اليوم السابق وضعي به الأطواق والتوك، واهتمي براحة جسمك ومكياجك وأسنانك وراعي دائماً أن تكون ثيابك نظيفة براقة تفوح منها راحة جميلة واشتري كل فترة شيئا جديدا يكون مميزا ومختلفا.

اهتمي به

اهتمي بأدواته وثيابه فقومي بغسلها وكيها وحضري له الثياب التي تريدن أن يرتديها واحرصي أن تكون متماشية مع ما سترتدينه أنت.

عينيكي

في الكثير من الأوقات تقول العيون ما لم يستطع اللسان قوله، فالنظرة تحمل الكثير من الجمل والعبارات والكلمات الجميلة ذات الصدى والتأثير الجبار، فانظري له نظرات حب واشتياق وقولي له كلمة جميلة وأنتي تنظري له.

إرسل لصديق

ads
ads

تصويت

هل نجحت تجربة البوكليت في اجتياز مرحلة الاختبار؟

هل نجحت تجربة البوكليت في اجتياز مرحلة الاختبار؟
ads
ads
ads

تابعنا على فيسبوك

تابعنا على تويتر

ads
ads
ads
ads
ads
ads