أعلن مصدر في فضائية إم بي سي مصر، أن مسئولى الفضائية يدرسون وقف الإعلامى عمرو أديب مقدم برنامج الحكاية بعد الهجوم على نجل الرئيس السابق محمد حسنى مبارك " علاء مبارك "، خلال حلقة برنامجه أول أمس، وذلك لخروجه عن النص والتحدث في مشكلة شخصية وتصفية حسابات قديمة بينه وبين آل مبارك.

الإعلامى عمرو أديب يُهجم علاء مبارك في برنامج الحكاية
قال الإعلامى عمرو أديب في الحكاية: نادرًا أوي لما بتكلم عن شئ شخصي في البرنامج لكن اللي يقرب منى هقرب له واللي هيهجمني أكيد مش هسيبه ومش معني اني مش بتكلم عنك أنى خايف منك، لم مبارك تنحى ودخلوا السجن وحصل اللي حصل وعمرى ما قربت منهم علشان مش جدعنه منى أنى أهاجمهم وهم في ضيق .

عمرو أديب في الحكاية
وأضاف عمرو أديب في الحكاية: في ذكرى تنحي مبارك حابب اتكلم عن كام تصور كده مثلًا زى لو مبارك مكنش مشي إيه اللى كان هيحصل، كان زمان جمال بيه مبارك هو اللي بيحكم وعلاء بيه مبارك هو اللي بيقبض، أنا عمرى ما قربت منهم بعد التنحي ولكن قبل التنحي قربت من جمال بيه وقعدت في البيت، النهاردة فجاءه علاء بيه قرر يوم تنحي والدته أنه يُهاجم عمرو أديب وأخد جملة من انترفيو ليا وأنا بقول جملة أستاذ هيكل " إذا كان مبارك قادة تاريخي يكمل أنما محدش يجى بعده "، وقتها أنا قولت كده أومال أنا قعدت في البيت ليه .

اقرأ أيضا: فيديو| صراع عمرو أديب وعلاء مبارك على السوشيال..أنا يا أنت في البلد دي