على عكس التوقعات، مجال كرة القدم لم يمر بشكل منتظم، فيوجد دائماً مشابكة كلامية، بين اللاعبين وإعلاميين كرة القدم، من حيث سلوك اللاعب، أو نشر الأخبار الكاذبة.

وشهدت ساحة الكرة المصرية إشتباكات لفظية بين صالح جمعة، لاعب الفريق الأول لكرة القدم بالنادي الأهلي، والإعلامي إبراهيم فايق، علي موقع التواصل الإجتماعي "تويتر".

هاجم صالح جمعة، صانع ألعاب النادي الأهلي، الإعلامي إبراهيم فايق على حسابه الشخصي عبر موقع التواصل الاجتماعي «تويتر»، واتهمه بأنه يهاجمه لمجرد عدم رده عليه، وأنه يسعى ليكون صديقه، وهو يرفض ذلك.

وقال "صالح" على حسابه: «عاوز تعرف مستوى الكدب والفبركة وصل إلى أين؟! طب عاوز تعرف يعني إيه تظبَّط لعِّيب وتخلص على لعيب تاني؟! عاوز تعرف يعني إيه ضمير إعلامي غايب ويعني إيه أدوس على اللاعبين اللي مبيرودش عليك؟ ويعني إيه ظبَّط الحبايب؟.. عمرك ما هتبقى صاحبي، وعمرك ما هتقعد معايا، وعمرك ما هتنفرد بخبر مني، عشان شغلك عن طريق إننا أصحاب، ودخولي لقائمة مباراة بكره أكبر إثبات على فشلك كإعلامي!.. دعواتكم بكره».

وكان إبراهيم فايق هاجم صالح جمعة، وأكد في برنامجه أنه تم توقيع عقوبة مالية كبيرة عليه، وأنه مهدد بالإيقاف لنهاية الموسم بسبب سهره وتدخينه الشيشة وشربه للخمور، ما جعل صالح جمعة يرد عليه عبر «تويتر».

فيما شن الإعلامي هجومًا على صالح جمعة، عبر حسابه الشخصي على «تويتر»، ردًّا على مهاجمة "صالح" له قائلاً:" حيث كده بقى.. بص يا حبيبي، إنت لا صاحبي ولا يشرفني أصلًا.. أنا عارف إن السهر في الكباريهات للصبح مش مخليك عارف تفوق أصلًا، اللي بتشربه كتير.. جمهور الأهلي كبير أوي، ومفيش لعيب أخلاقه كانت سيئة عرف يضحك عليه.. اقرأ التاريخ كويس.. سوابقك وصورك وفضايحك سابقاك.. وجمهور الأهلي قافشك، وعقوباتك اللي فاتت متسجلة.. اللي زيك سراب هيعدي ومحدش هيفتكره عشان مش مقدر نعمة الأهلي".

واختتم الإعلامي قائلاً:" وللتاريخ سيد عبد الحفيظ قالك بالنص آخر مرة وحذرك من السهر في الكباريهات.. ومن كام يوم رمى لك تليفونه وقالك اتفرج.. واتفرجت على كوارثك، ووصلت العقوبة للإدارة المالية، وانت قعدت تتحايل عليه وتقوله كتير يا كابتن.. ولفيت على الناس تسأل هو فيه عقوبة كده؟".

ولم تكن هذه هي المشادة الأولي والأخيرة بين لاعبو الفريق والإعلامين، فتح مجدى عبد الغنى لاعب النادي الأهلي السابق، النار على أحمد شوبير الإعلامي وحارس الأهلي السابق، بسبب تصريحات الأخيرة ضده.

وقال عبد الغنى: "أنت مش عجبك يا شوبير إنى أصفق للنادي الأهلي، عيب يا شوبير ده الأهلي اللى عملك، وخد بالك في فضايح كتيرة ليك أقدر أقولها، بس مش هقول لأنه مش هينفع أقولها".

وأضاف: "عيب عليك وعلى العيش والملح، إنك تاخدنى حفلة على الهواء، ده أنت أكلت في البيت عندى، صلح اللى أنت عملته، أنا واقف ورا الأهلي ومش مستنى حاجة من محمود طاهر".

وتابع: "أنت عارف إنى مش مستنى حاجة، وكنت بقول للناس تهتف للأهلي وصوتى راح، وأنا روحت استاد وشجعت الأهلي قبل ما تعرف أنت الكرة".

ولم تنتهي المشادات عند ذلك، فهاجم الإعلامي خالد الغندور، أحمد شوبير وكريم حسن شحاتة، بسبب تصريحاتهم عن انتقال عبد الشافى لاعب الزمالك السابق وأهلي جدة إلى النادي الأهلي المصرى.

قال الغندور، في اثنين اعلاميين واحد أهلاوى والتانى زملكاوى، هما اللى اتكلموا وقالوا إن عبد الشافى هيروح الأهلي، ورغم ذلك يقولوا أنا اللى بقولوا زى موضوع رمضان صبحى.

أضاف: من الآخر هما أحمد شوبير وكريم حسن شحاته اللى اتكلموا وقالوا الكلام ده، وبرضه يرجعوا يقولوا نا اللى بتكلم.