طباعة

استغاث الباعة الجائلين بمحافظة الجيزة، من مطاردة الأمن لهم ومرارة الهروب منهم، وطالبوا اللواء كمال الدالي، محافظ الجيزة، بتوفير "أكشاك" قانونية لهم، تضمن لهم إقبال الزبائن وتقيهم من متاعب "الحي".

واشتكى "محمد إبراهيم"، أحد الباعة الجائلين، مرارة مصادرة بضائعهم التي تكبدهم خسائر فادحة، قائلًا: "أنا مش صغير علشان أشيل بضاعتي وأجري بيها كل شوية في الشارع.. كفاية بهدلة بقى وجري وعذاب.. كبرنا ونفسنا نستقر شويه".

وطالب البائع، اللواء كمال الدالي محافظ الجيزة، بتوفير أكشاك خاصة للباعة الجائلين، مٌشيرًا إلى أنه تم تخصيص أكشاك بالفعل لكن عند ذهابهم لأخذ أمكانهم وجدوها لغيرهم، وتابع:"لإنهم ييدفعوا أكثر لكن احنا غلابة مش معانا ندفع وكان عندنا أمل المحافظ يعرف كل ده ويدينا حقنا".

وواصل البائع، صرخاته قائلًأ:"احنا مش بنطالب بأكثر من حقنا حرام عليكوا، احنا مش لاقيين ناكل وبنقعد طول اليوم وعندنا خمس وست أولاد، ولا نقدر على لقمة العيش ومفيش معاش ولا أي حاجه تانية نعيش منها".