طباعة

بدأت درجات الحرارة في الانخفاض بشكل ملحوظ، كما أن خبراء الأرصاد الجوية يحذرون من استمرار هذا الانخفاض لعدة أيام أخرى، مما يستدعي ضرورة اتخاذ الاحتياطات اللازمة لحماية أنفسنا من الطقس البارد.

وبالتزامن مع موجة البرد القارصة، يقوم المواطنين بمختلف فئاتهم، بتحضير أنفسهم، لتلك الموجة حتى يمروا منها بسلام، وخلال السطور التالية سأل "المواطن" فئات عمرية مختلفة عن الأشياء التي قاموا بتحضيرها لمواجهة هذا البرد القارص.

الكلسون

بدايةً قال "مدحت محمود"، 25 سنة، إنه يواجه برد الشتاء القارص بـ"الكلسون"، قائلًا: "أنا أول ما بيبتدي فصل الشتاء بحضر الكلسون، ده الحاجة الوحيدة اللي بتخليني أقدر اتحرك في البرد ده، بيدفيني جدًا، بصراحة هو اختراع لو مكنش موجود مكناش زمننا قادرين ننزل من بيوتنا".

الكوفية والطاقية

أشار "عادل أحمد"، 8 سنوات، إلى أنه يواجه برد الشتاء، بـ"الكوفيه والطاقية"، قائلًا: "أنا أول ما بيطلعولي في البيت لبس الشتاء بجهز الكوفيه والطاقية، هما أكتر حاجة تخليني أقدر أقاوم البرد، عشان كده بجهزهم هما أول حاجة".

البالطو

أضافت "عبير مصطفى"، أنها تواجه البرد بـ"البالطو"، فتقول: "أنا بقا بواجه البرد بالبالطو، أصلًا كل بنت مننا في البيت بتدفى تحت البطانية، وفي الشارع بيكون البالطو مكان البطانية، فالبالطو عند البنات ما هو إلا بطانية مينفعش الشتاء من غيره".

الآيس كريم

وبخلاف كل الأراء قالت "ولاء محمد"، إنها تواجه البرد بالآيس كريم، وتتابع قائلة: "أنا يمكن أكون عكس الناس، بواجه البرد بالآيس كريم، والله أول ما باكله بحس بعدها بدفا، والبرد اللي كل الناس بتبقى متضايقة منه مبحسش بيه".

مجموعة علاج البرد

فيما قالت "نادية محمد"، 55 سنة: "أنا عشان سني، مبقدرش استحمل برد الشتا، فالحاجة الوحيدة اللي بقدر أواجه بيها البرد ده، هي علاج البرد، على طول بكون محضرة مجموعة البرد لو حسيت إني هتعب، على طول باخدهم عشان مبقاش تعبانة".