طباعة

أرسل لنا أحد متابعي الموقع رسالة في بريد"المواطن" استغاثة بسبب انتشار عصابة خطف النساء وجاءت رسالته كالأتي:

":النهاردة وأنا راجع من محكمة حلوان، أنا ومحامى زميلي، كنا واقفين مستنين واحد زميلنا، حصل موقف قدامنا في حلوان في شارع المحطة، من فوق واحدة منقبة وقصيرة شوية، وكانت شايلة شنط أمام بتاع البن اللي عند فاملى جاردن، وتقريبا وقفت بنت كانت ماشية لوحدها على الساعة 5 المغرب، تسألها على حاجة، والبنت جاوبتها بالإشارة تجاه فاملى جاردن، والمنقبة كانت عمالة تماطل معاها، فتقريبا كانت هتخطف البنت، فالبنت قلقت منها وسابتها ومشيت، والمنقبة فضلت تنادي عليها ومشيت وراها تمد بسرعة غريبة، لحد ما لاحظت إننا واقفين عند المحل والقهوة واخدين بالنا منها، فالمنقبة رجعت ومشيت من الناحية التانية.

ومن جانبنا، يتقدم "المواطن" الإخباري بإرسال الشكوى إلي وزارة الداخلية والقائمين علي تنفيذ القانون بحلوان، بسرعة التأكد من الشكوى، وبث الأمن والآمان في منطقة حلوان، لاسيما وأنه يتردد أن هناك عصابات بدأت في التخفي وراء النقاب لارتكاب الجرائم، دون أن يتم الشك بهم، ونترك الأمر لوزارة الداخلية لمتابعة الموقف.