استمرارًا لدور المواطن في تلقي استغاثات القراء، أرسلت لنا إحدى القراء رسالة تستغيث فيها من عمال يقومون كاميرات مراقبة سرية داخل البروفات لتصوير السيدات عاريات.
وتقول الفتاة التي رفضت ذكر اسمها: "إحذروا إحذرو كله يحذر بنته واخته ومراته واي ست يعرفها المحل ده دخلت اشترى عبايه فيه امبارح ولما جيت دخلت اغير وبعلق الهدوم اكتشفت ان في كاميرا سريه موجوده جوه البروڤه فقمت لبست بسرعه وطلعت عملت مشكلة كبيره مع البنت اللي شغاله هناك وسألت عن مديرة المكان اللي هربت اول ما سمعتنى بزعق وقفلت تليفونها، طبعاً اتصلت بأهلي وجريت عملت محضر في القسم باللي حصل، ياريت الناس تاخد بالها ومحدش يروح هناك وياخد باله علشان متحصلش مصيبه لاى بنت محترمه، ممكن تكون مامتك او اختك او حتى بنتك!!
وتتابع الفتاة: "انا مش عارفه ايه الفكره من تصوير البنات وهي بتغير ؟! والمصيبه ان صاحبة المكان ست والمفروض انها محترمه، يعنى عيب جداً لما تعمل الحركات القذرة دي، تفتكروا ممكن تكون بتعمل كده علشان تساوم الضحايا بتوعها!! كل اللي هقدر اقوله حسبي الله ونعم الوكيل".
شاركونا في تحرير المواد الصحفية بإرسال الصور، والفيديوهات والأخبار الموثقة، والمقالات والشكاوى لنشرها بالموقع، عبر خدمة، "واتس آب" المواطن برقم 01012754111، أو عبر البريد الإلكتروني
[email protected]"، أو عبر رسائل "فيس بوك"، على أن تنشر الأخبار المصورة، والفيديوهات باسم القراء.
