أكد الفنان نضال الشافعي، اليوم الأربعاء، أن بداية الزواج من أفضل لحظات الإنسان طوال حياته، مضيفًا أن بعد الزواج تتغير المعطيات.
وقال "الشافعي" في برنامج "الستات مايعرفوش يكدبوا" على فضائية "سي بي سي": "زوجتي كانت فنانة أشطر مني وقبل ما أدخل فنون مسرحية كنت بحاول أبقى ظابط في الحربية لأنه كان حلم والدي لابنه الوحيد، وزوجتي آمنت بيا ووقفت في ضهري عشان أكون أنا في المقدمة رغم حبها للفن، ودي تضحية كبيرة منها، لذلك اللي يخلي الحب يستمر العشرة الطيبة، وإن كل واحد يراعي ربنا في اللي قدّامه، لأن القلب لما بيكون طاهر وقريب من ربنا بيخليك حاسس بالأمان وده بيظهر على الوش وده أكبر دعم".
وأضاف: "الحب الرومانسي قبل وأول الجواز حاجة، وبعد كده حاجة تانية"، موضحًا: "زوجتي طباخة هايلة من أول يوم جواز وأكلتي المفضلة هي الملوخية"، مضيفًا: "صعب احتفظ بالفلوس وعشان كده لازم أدي لمراتي مصروف البيت لأنها بتعرف تتصرف".
