نعت المذيعة والكاتبة انجي علاء، اليوم السبت، شهداء الحادث الغاشم الذي وقع بطريق الواحات في الجيزة أمس، والذي أسفر عن استشهاد 16 من رجال الشرطة البواسل.
وقالت "إنجي" في تدوينة عبر حسابها الشخصي بموقع التواصل الاجتماعي "فيس بوك": "انا لله وانا اليه راجعون..ربنا يرحم شهداء وابطال الواحات ويصبر اهاليهم ويحفظ مصر من كل سوء، يارب".
وأضافت: "بس معلومة صغيرة عشان يتاخد حقهم كل واحد من مكانه ومن خلال شغله لازم الاعلام يقوم بدوره، كل مافتكر اللي درسته في الجامعة عن الصحافة ودورها ووظيفة الاعلام ومبادؤه مفهمش ايه الصعب في تنفيذ ده بدل اللجوء لمحطات اخري لمعرفة حيثيات الخبر".
وأكملت: "مصلحة البلد متتعارضش مع شفافية الخبر خصوصا لما يكون اتذاع واتنشر وانتشر بين الناس! اللي بيميز اي جهة اعلامية عن الاخري السرعة في نشر الخبر واستعراض الجهات المتباينة وايصال المعلومات الي الجمهور مش عشان يعرفوها بس لأ عشان يواجهوها صح، الاعلام مسؤول عن طريقة استيعاب الأفراد للخبر فيقدروا يكونوا رأي ويبدلوا مواقفهم ويغيروا اتجاهاتهم، زمن وطريقة نشر الخبر بتأثر علي سلوك الأفراد وبتساهم في تغييره يعني بتأثر على الرأي العام واحنا بنعاصر حرب فكرية عشان ننتصر فيها علي العدو اهم حاجة نواجهه فكريا، والشفافية وسرعة نقل الخبر اول تكوين للفكر الصحيح، ده دور مهم من ادوار الاعلام وربنا يحفظ مصر من كل سوء".
