طباعة

رصدت كاميرا "المواطن" نموذج مشرف من أبناء محافظة الغربية، لشاب يدعى "علاء محمد"، وهو طالب بالفرقة الثالثة في كلية الآداب جامعة طنطا قسم آثار، يبيع "غزل البنات"، أسفل إحدى المطاعم الشهيرة في طنطا.

وقال "علاء" في تصريحات لـ"كاميرا المواطن": "أنا طالب في كلية آداب قسم آثار في الفرقة الثالثة، وبقف ابيع (غزل بنات) الصبح تحت مطعم استريو بأسعار زمان بـ 2 جنيه فقط، وبالليل بشتغل فى مطعم استريو (كابتن صالة)".

وأضاف «علاء»: "ناس كتير اتريقت عليا وسخرت من شغلتي وقالولي عيب واني مستهلش إن حد يتكلم عليا لكن أنا رأيت إن الشغل مش عيب وأحسن ما أكون زي الناس اللي قاعدة فى بيتهم وبتقول نعمل إيه مفيش شغل وممكن تزوروني فى أي وقت وغزل البنات ببلاش المهم ارسم بسمة على وشوش الناس والأطفال".