خرجت الفنانة داليا البحيري، عن صمتها لترد على ما تداول من اخبار عن انسحابها من مسلسل الزعيم "عادل إمام" عوالم خفية والمقرر ان يشارك فى السباق الدرامى الرمضانى 2018 المقبل.
وكتبت داليا، تدوينة لها عبر حسابها الشخصي بموقع التواصل الاجتماعي الشهير "فيسبوك" معلقة:"كل الهري اللي بيتكتب في موضوع أسباب اعتذاري عن مسلسل أستاذي الكبير عادل إمام ليس له أساس من الصحة إلا قليل، الأسباب مش مهمة خالص دلوقتي، وأتمنى لهذا العمل كل التوفيق والنجاح، وكل الزملاء التوفيق يارب، لأنه عمل مميز وورق ممتع جدًا، ومخرج شاطر وفريق عمل بروفيشنال مبرووووك للكل وبالتوفيق النجاح يارب".
وأضافت داليا: "طول عمري من ساعة ما اشتغلت في مجال التمثيل، مبحبش أتكلم عن أي عمل اترشحت فيه، ولا أسباب رفضي أو اعتذاري أو عدم قيامي بدور، اتكلم وأصرح فقط عما تعاقدت عليه، لأن ده من أداب المهنة لعدم إحراج الزميلة اللي هيكون من نصيبها الدور ولاقتناعي التام بالقسمة والنصيب".
وختمت داليا حديثها قائلة: "الحمد لله لحد النهاردة عمري ما زعلت أو اتضايقت من شغل معملتوش لأني عارفة أنه كله مقدر ومكتوب ونصيب".
