قالت الفنانة نهال عنبر، إن الفترة المقبلة لمصر حرجة وشديدة الخطورة، لافتًة أنها تُحب الرئيس عبد الفتاح السيسي بسبب حبها لمصر، فكلاهما مرتبط ببعضهما البعض.
وأوضحت الفنانة لـ "بوابة الوطن"، أن حبها لـ"السيسي" أو إي رئيس ليس شخصيًا ولكنه بهدف مصر، لافتًة أن الفترة الراهنة شديدة الخطورة وهو الوحيد من استطاع لملمتها، واصفًة إياه بـ"المخلص الأمين" على البلد.
وأشارت إلى أنه الوحيد الذي لم يخف أن يأخذ قرارات، موضحة: "هو كل همه تأسيس البلد من الأساس اللي كانت في خرابة كان اللي قبله خايف ياخد قرارات لكن هو مش بيخاف علشان خاطر مصر بيقوي جيشه ولو احنا من غير جيش قوي هنتاكل".
وتابعت: "الدول حذرة علشان عارفين إن جيشنا مسلح، المستقبل هيجي كويس من المشروعات، والصحة والتعليم، والرقابة الإدارية كله بيشتغل عليه، والناس اللي بتسرق مش بيهمه حد كل اللي بيسرق بيتحاسب، أنا عارفة إن في زيادة في الأسعار لكن اصبروا النعنشة جاية".
