وجه يوسف الجبالي لاعب نادي الشمس الحالي، رسالة لمجلس
إدارة النادي، عبر صفحته على موقع التواصل فيس بوك .
وقال:" أنا كنت ناوي ماتكلمش في اي حاجة علي
صفحتي بس للأسف حصل سوء تفاهم انا لسة حاليا لاعب للفريق الأول بنادي الشمس بيتي من
١٤ سنة و بالفعل الكابتن عدلي القيعي اسطورة التعاقدات في مصر كان موجود عندنا في النادي
و عشان كدة اتصورت معاه لأنه شخصية عظيمة اوي و شرف لأي حد انه ياخد صورة معاه.
وأضاف:"
بخصوص انتقالي للنادي الأهلي ده حلم و شرف طبعا لأي لاعب كورة في مصر و انا تحت امر
كابتن طه شحاته المدير الفني للشمس اللي كان له الفضل في اني العب مع الفريق الاول
من ٥ سنين و السنادي كمان في اي قرار هياخده بالنسبالي سواء في الاستمرار في النادي
او الموافقة علي عرض النادي الاهلي اللي كان السبب الرئيسي في انه يجيلي الكابتن عادل
محمود او الموافقة علي اي عرض أخر هيتقدم من خلال وكيلي د/ احمد كمال سلطان.
وأختتم:"
اخيرا اسأل الله ان يوفق مجلس الإدارة و المدير الفني لنادي الشمس في اختيار ما هو
اصلح لي و لمستقبلي الكروي ان شاء الله.
