وضح الفنان "أحمد سلامة" حقيقة
خلافه مع ابنته الفنانة "سارة سلامة"، خلال لقاءه في برنامج "نص
الكلام" مع الإعلامية "راغدة شلهوب" على قناة "النهار".
وقد نشرت "سارة سلامة" صور
خاصة عبر موقع نشر الصور "إنستجرام" منذ فترة الكثير مما أثار الجدل وأدى
إلى مهاجمتها، ونال والدها هو الأخر بعضًا من تلك الإنتقادات.
وذكرت "راغدة شلهوب" ذلك
الأمر أثناء اللقاء، وسألته عن بعرض عليه تصريح للصحافة منتشر، وهو "خلاف بين
سارة سلامة ووالدها الفنان أحمد سلامة بسبب هذه الصور".
وأجاب بكلمة واحدة وهي "أه"، فكررت
السؤال "حصل خلاف بينكما؟"، رد قائلًا: "لا محصلش خلاف خالص و أنا
معرفش أصلا صور إيه".
وقامت بعرض الصور التي نشرتها "سارة"،
فرد الفنان معلقًا بـ "تمام"، ثم سألته: راضي عن الصور؟، وأشار الفنان:
"مش مسألة راضي بس علشان تسيطري على هذا الجيل اللي هو جيل السوشيال وجيل
العالم المفتوح مسألة قاتلة و صعبة جدا و فعلا السوشيال ميديا بيربي معانا مش إحنا
بس اللي بنربي لوحدنا إحنا زمان كان عندنا الإمكانية نقفل الحنفية ونسيطر يشوفه
إيه و ميشوفوش إيه، إنما من خلال هذا الجهاز لإإشارة منه إلى (التليفون المحمول) هو نقمة من وجهة نظري فبيخلي الجيل ده
يشوف كل حاجة عادي و أنا أصلا من السيدة زينب"
وسألته الإعلامية عن أول ردة فعل منه نحو
ذلك، رد موضحًا: "أنا قولتلها متعملش كدة تاني بس مش لدرجة خلاف و قولتلها
الأفكار اللي إنتي شايفاها دي متنفعش في مجتمعنا إحنا مجتمع شرقي".
واستكمل حديثه: "وهي أجابت لو إحنا
عيشنا نلبس اللي يعجب الناس و نروح الأماكن اللي بتععجب الناس هنتخنق، علشان
أقنعها بوجة نظري أخدت وقت طويل جدا يعني مثلا في مسلسل "إبن حلال"
الناس إعترضت على الشورت و أنا إتهاجمت بسبب المسلسل ده رغم إنها كانت صغيرة و
مكانش عندها الخبرة الكافية للإختيار".
و اختتم الفنان "أحمد سلامة"
حديثه بأن طوال حياته الفنية و المهنية لم تتم مهاجمتة إلا بسبب إبنتة سارة.
