حلت الفنانة ميار الببلاوي ضيفة في برنامج "قعدة
ستات" مع الإعلامية مروة صبري على قناة "القاهرة اليوم"، لتدلي بتصريحات
وأسرار عن حياتها الشخصية ومسيرتها الفنية.
كشفت ميار الببلاوي أن الفنانة نجلاء فتحي حاولت أقناعها
بتصوير مشاهد جريئة في كواليس فيلم "ديسكو ديسكو" في رمضان مع الفنان
عمرو عبد الجليل.
وعلقت "الببلاوي" :"كنت ببكي لأني مكنتش
عاوزة أعمل المشهد ده، ووقتها كنت صغيرة حوالي 17 سنة، فتدخلت نجلاء فتحي وحاولت
تقنعني وقالتلي رمضان معمول عشان الناس الفقراء، والناس الأغنياء بيعملوا نفسهم مش
بياكلوا قدام الفقراء، رمضان بتاع الفقراء أحنا عندنا أكل نصوم ليه؟".
وتابعت :" كانت عاوزة تقنعني أني أعمل المشهد، وأن
الموضوع مش محتاج أني أعطلهم وأن مفيش حاجة أسمها رمضان والكلام ده".
وأضافت :"ولما جينا نصور المشهد دخلت الحمام وفضلوا
يخبطوا عليا، أنا كنت مستنية المغرب يأذن، وكنت بقول لو هعمل حاجة غلط أستغفر الله ميبقاش في الصيام وأكون فطرت".
واستكملت حديثها :" الفيلم كله
معظمه اتصور في رمضان، وأنا كان عندي عقدة من التصوير في رمضان رغم أني كنت شابة
ولسه بلبس وكده، ولكن مشهد المايوه مكنتش عايزاه خالص، وإيناس الدغيدي مرمطتني
ومسحت بيا الأرض لما لقيتني جيت بمايوه شورت كده وزعقتلي وقالتلي أمشي البسي
المايوه التاني".
والجدير بالذكر شارك في فيلم "ديسكو
ديسكو" مجموعة من النجوم منهم "عمرو عبد الجليل، نجلاء فتحي، شريف منير،
ميار الببلاوي، وفاء عامر، عبدلله محمود" وغيرهم، والعمل من إخراج
"إيناس الدغيدي"، وتأليف "عبد الحي أديب".
