كشف الفنانة
مريم الخشت تفاصيل مشاركتها، في مسلسل عملة نادرة الذي عرض في الموسم الرمضاني الماضي، وحقق نجاحاً كبيراً.
قالت مريم الخشت في تصريحات تلفزيونية:«أنا كنت متخيلة إن اللهجة الصعيدية هتبقى صعبة ولكن مكنتش كده، والحمد لله كان معايا مصحح عبقري عبد النبي الهواري، ومكنتش عارفة من غيره هعمل إيه، بس في الأول بتكون صعبة ولكن بعد كدة بنرتجل فيها».
تصريحات مريم الخشت
وتابعت الخشت:«الشخصية نفسها تقيلة والأحداث اللي بتحصل ليها تقيلة، والشخصية بعيدة عني خالص، والصعيد بالنسبة لينا مهم، ومكنش ينفع أتصرف في الشخصية زي الشخصية القاهرية العادية، لازم أبقى محترمة جدًا المكان ده وثقافته وتفكيره، وللأسف في حاجات إحنا منعرفهاش».
أما عن أجدد أعمالها الفنية القادمة قالت:«فيه كلام عن فيلم إن شاء الله قريب، وأنا متحمسة ليه أوي ولسة الاتفاق متمش.. وإن شاء الله يتم وأعرف أقول تفاصيله».
