المواطن

رئيس مجلسي
الإدارة والتحرير
مسعد شاهين

«أنا خريج توك توك» هاشتاج يتصدر تويتر.. «ساويرس»: «سواق التوك توك ده بيلخص حالنا من ١٩٥٢».. ونشوى مصطفى: «حد يقوله يحمد ربنا على إنه بيمشي شوارع آمنة»

الخميس 13/أكتوبر/2016 - 08:15 م
«أنا خريج توك توك»
«أنا خريج توك توك»
سارة صقر
طباعة
أثارت حلقة برنامج «واحد من الناس» الذي يقدمه الإعلامي عمرو الليثي، والتي تم تسجيلها بأحد الأسواق لعرض معاناة الشعب المصري من ارتفاع اسعار السلع الاستهلاكية، واختفاء السكر من الأسواق، جدلًا واسعًا بين المواطنين.

وتفاجئ الجمهور بحذف الفيديو من صفحة الإعلامي عمرو الليثي، ومن قناة اليويتوب، وهو الأمر الذي جعل الأمر يذهب إلى أنها أوامر سياسية، ولكن «الليثي» كتب عبر حسابه الخاص بموقع التواصل الاجتماعي «تويتر» وقال: «لمن يسأل عن أسباب حذف الفيديو الخاص بسائق التوك توك، توضيح بناءً على رغبة موقع قناة الحياة والتي تمتلك حقوق الملكية لفيديو سائق التوك توك، تم حذف الفيديو من على الصفحة.

وكتب رجل الأعمال، نجيب ساويرس، في تدوينة على حسابه على «تويتر»، «سواق التوك توك ده بيلخص حالنا من سنة ١٩٥٢ لدلوقتي وبالتالي هو مش بيلوم حكومة النهاردة، إنما بيرصد واقعنا الأليم ويستثير حماسنا وحبنا لبلدنا».

أما الفنانة نشوى مصطفى، فقد أعربت عن غضبها من حديث سائق التوكتوك، وطلبت من السائق أن يكف عن الشكوى، قائلة: «يكفي أنه يمتلك توك توك».

وكتبت نشوى، عبر حسابها الخاص بموقع «فيس بوك»: «تابعت زي غيري فيديو سائق التوك توك ربنا يعينه ويفك كربه، ويعين كل محتاج ويفك أزمة كل مأزوم، لكن اسمحولي أقول كلمتين، أولًا اعترف إننا في وضع اقتصادي كلمة صعب حتكون هينة لو قلتها، وللمعلومة الوضع صعب على كل الفئات لا استثني منها سوى طبقة 1% اللي فلوسهم بره مصر، أنا واحدة من الطبقة اللي تحسبهم أغنياء من التعفف اللي بالبلدي شغلهم بالأرزاق، وشغل جوزي الحمد لله موصلنا لحد الكفاف، حد الكفاف اللي معاه كنت مضطرة إني استغنى في بيتي عن حاجات تتصنف ضرورة ملحة، ومش شايفه ده بطولة مني، أنا اتربيت كده، أمي الست البسيطة اللي مش متعلمة علمتني كده، إنى وانا معايا اشكر ربنا، وأنا معنديش اشكره أكتر وأدبر أموري، وأبويا علمني إن الرجولة إني استحمل الصعب في الشدة ومقولش آه».


وأضافت: «نرجع لأخونا سواق التوك توك، حقه إنه يقول آه ويصرخ من قلبه لأن الوضع صعب وأدينا بنحارب، بس واجب نفهمه إننا في وضع مأزوم، وليه أسباب كتير أهمها أننا ورثنا من اهالينا بلد خربانه فقيرة مسروقه لصالح طبقة حصل عليها ثورة، وحد يفهمه إن منظومة التعليم والصحة محتاجة مدى زمني كبير ومحتاجة فلوس كتير ومحتاج ضمير، حد يفهمه إننا في الحرب وأن مصر زمان كانت بتحارب إسرائيل دلوقتي بتتحارب من أكتر من دولة لصالح إسرائيل».


وتابعت: «حد يفهمه إنه يحمد ربه إنه شغال على توك توك بيمشي في شوارع فيها بيوت مش أطلال بيوت صواريخ العدو والحبيب بتدمر فيها، شوارع فيها ناس مش جثث مش لاقية اللي يدفنها، حد يفهمه إن احنا في وقت الشدة الصعب ويفكره إن أهالينا في الوقت الأصعب كانوا رجالة ووقفوا وقفة رجالة، المصريين في الشدة يأكلوا نص بطن ومايضحوش بوطنهم، نقف جنب بعض شوية ومنفتحش جبهات تضعفنا ومعلش هانت إن شاء الله، وفي الآخر حلال على قنوات العدو الفضائية الڤيديو الهدية ده اللي شغال عرض مستمر، يالا خليهم يأكلوا عيش».


وقد دشن نشطاء موقع التواصل الاجتماعي «تويتر»، هاشتاج أنا «خريج توك توك»، معبرين فيه عن دعمهم الكامل لحديث سائق «التوك توك»، مؤكدين أنه عبر عن حالة الشعب من خلال كلمات بسيطة.

أخبار تهمك

ads
ads
ماهو أفضل مسلسل حتى الأن في رمضان 2019؟

ماهو أفضل مسلسل حتى الأن في رمضان 2019؟
ads
ads
ads
ads
ads
ads
ads
ads
ads
ads
ads