كشف الإعلامي محمد موسى، عدة مفاجآت جديدة عن قضية ظهور سائق التوك توك مع الإعلامي عمرو الليثي، وقال إنه ليس سائق توك توك، واسمه محمد جابر.

وقال موسى، في برنامجه "خط أحمر" على قناة "الحدث"، مساء أمس الخميس، "الأخ اللي ظهر مع عمرو الليثي في تقرير، مطلعش سواق توك توك ولا حاجة الأخ ده اسمه بالكامل محمد جابر، وإخواني وعضو في حزب الحرية والعدالة بتاع جماعة الأخوان الإرهابية".

وأضاف: "زي ما تكون كل حاجة مترتبة قناة الجزيرة القطرية، تذيع الفيديو وكل اللجان الإخوانية تروح شغاله عليه على (تويتر وفيس بوك)، أه والله والفيديو يتصدر موقع التواصل الإجتماعي وقال أيه الراجل البسيط الطيب ده قدر يجسد كل اللي مصر بتعيشه في كلمتين، طبعا كلمتين متحفظين، لأن المفاجأة أن محمد جابر ده طلع مدرس لغة عربية ومقيم بمحافظة الجيزة لكن الغريب أن الأستاذ عمرو الليثي بيختار ناس بعينها منعرفش ليه؟"، بحسب قوله.