"الوايت نايتس" يصدر بيانًا بشأن "مشاغب"
الأربعاء 26/أكتوبر/2016 - 03:37 م
سمر عبد العزيز
طباعة
أصدر "وايت نايتس" الجماهير المنتمية لنادي الزمالك، بيانًا بشأن قائده سيد مشاغب، المتهم بقتل بعض أعضاء من الوايت نايتس، بمذبحة الدفاع الجوي، راح ضحيتها 20 مشجع للفريق الأبيض.
وجاء البيان كالتالي:-
متستغربش! ده سيد مشاغب قبل الحبس وده سيد مشاغب دلوقتي.
* سيد مشاغب قائد جماهير الزمالك التاريخي.. المتهم زور بقتل اخواته، بيتعرض لأسوأ معاملة في إنفرادي سجن طرة شديد الحراسة 2 اللي قضى فيه آخر 7 شهور من مدة حبسه، لغاية دلوقتي.
* سيد هو السجين الوحيد اللي لابس الأبيض في السجن كله، لأنه محبوس احتياطي مش بيقضى عقوبة، ده فضلًا عن 7 شهور الانفرادي، وطبعًا النقطتين دول، مخالفين لكل المواثيق والإعلان العالمي لحقوق الانسان اللي مصر موقعة عليها!
* سيد وشه بينور أبيض في الصور مش عشان هو بحالة صحية كويسة، لاء، عشان مبينزلهوش كل يوم يتريض زى بقية المساجين، ومبيشوفش الشمس، الأمر اللي أدى أن صحته تتأثر ويجيله نقص في الكالسيوم.
* وبناء عليه: سيد مشاغب كابو جماهير الزمالك بيعلن إضرابه عن الطعام والشراب مجددًا، بدءًا من اليوم لحين نقله من الانفرادي.. سيد رغم كل شيء بيقاوم لآخر نفس.. فادعموا إضرابه.
#ادعم_سيد_مشاغب
#لا_للحبس_الانفرادي.
