بالمستندات.. أحد قراء "المواطن" يفضح "فودافون".. ويؤكد: "بتسرب بيانات عملائها للي يدفع أكتر"
الخميس 29/ديسمبر/2016 - 03:01 ص
آية محمد
طباعة
بعث أحد قراء "المواطن"، بشكوى إلى المركز القومي للاتصالات، حول قيام شركة فودافون، بتسريب بيانته مقابل مبلغ مالي، قائلًا: "فودافون تسرب بيانات عملائها للي يدفع أكتر".
وتابع القارئ، في رسالته التي بعث بها لخدمة "المواطن" عبر مواقع التواصل الاجتماعي، "الخبر مش غريب ولا تستعجب لأن دي الحقيقة"، مردفًا: "باختصار شديد أنا بعمل بمجال التسويق الإلكتروني وفجاءة كل البيدجات اتسرقت والباس ورد بتاع الـ gmaill اتغير، وتواصلت معاهم وعرفت إن حصل تحايل وسرقت حساباتي عن طريق تقديم هويتي اللي هيا بطاقتي الشخصية".
وأكد القارئ: "من فترة لقيت صفحة من صفحاتي بتتباع، ولما قابلت اللي بيبعها عرفت إنه مشتريها من شخص يدعى "محمد إبراهيم"، ولما كلمه وحكاله عن أن الصفحة مسروقة، وسأله عملت كدة ازاي أكدله أنه ليه قريب بيشتغل في فودافون ويقدر يجيب بيانات العملاء، وبالفعل بعتله كل بيناتي وسجل مكالماتي من داخل شاشات الشركة، وتقدمت بشكاوى لكل الجهات المعنية ومحدش اهتم، وفودافون كتر خيرهم قدمولي اعتذار في مكالمه ورفضو يعطوني اسم الشخص اللي سرب بياناتي".
واختتم رسالته قائلًا: "طبعًا أنا بيتي اتخرب ومديون بسببهم والصفحة اللي كانت بتتباع وحدة وحدة من 200 صفحة كانت معروضة للبيع بـ 100 ألف جنيه مصري".
