علق الإعلامى حازم إمام من خلال برنامجه الملاعب اليوم، على تليفزيون الحياة على الأزمة الحالية بين مدرب المنتخب أسامة نبية وقائد الأهلي حسام غالى قائلًا: للأسف كلام تافه الناس بتتكلم فيه، وأزمة بدون لازمة وفى ناس بتقعد تسخن فى الموضوع بشكل فظيع.. ممكن الجماهير تقعد تسخن لأنها جماهير، لكن بلوم على الصحفيين المتعصبين إلى بيتكلموا بلون الفانلة .

وأضاف إمام : الكلام ده ما ينفعش في المنتخب وإننا نقول أهلي وزمالك، والمشكلة هتكون في مصر كلها وعمرها ما حصلت قبل كده فى تاريخ مصر وما ينفعش يبقى الكلام بهذا المنطق فى منتخب مصر.. حصلت مليون مرة مشكلة بين المدرب واللاعب لكن ما ينفعش ناخدها من منطق الاضطهاد.. وشوفوا التاريخ وتأكدوا أن الراجل ده متعمد اضطهاد ولا لا.. والمنتخب مالوش دهر يحميه زى الأهلي والزمالك اللى ليهم جمهور، فرجاءاً نبقى حريصين على المصلحة العامة لمنتخب بلادنا .