نعى عدد كبير من نجوم العرض المسرحي "مسرح مصر" الطفلة "رودين" والتي لاقت وفاتها صباح اليوم الثلاثاء بعد صراع مع المرض.

أعبر الفنان محمد عبد الرحمن عن حزته الشديد لـ"المواطن" عن وفاتها متمنيًا من الله أن يتغمدها برحمته ويلهم أهلها الصبر والسلوان، مشيرًا إلى أنها تعتبر أصغر مشجعة لفرقة "مسرح مصر".

فيما نشرت الفنانة إسراء عبد الفتاح عبر حسابها الشخصي بموقع الصور والفيديوهات الشهير "إنستجرام" عدد من الصور برفقتها قائلة: "أنا مش عارفة أقول ايه، الحمد لله على كل حاجة، ربنا بس اللي يعلم أنا كنت بحبك أد إيه، وعارفة إني كنت مقصرة معاكي سامحيني والنبي، بحبك أوي وهتوحشيني يا قمري، لله يرحمك يا رودي".

ونشر حامد الشراب، علي حسابه الشخصي بموقع الصور "إنستجرام" صورة له برفقة "رودين" قبل إجراءها لعملية جراحية وعلق قائلًا: "الصورة دي كانت قبل ما تعملي العملية بيوم، كنتي هادية جدًا ومبتسمة، وأنا كنت مستغرب هدوءك، قلتيلي أنا مش فاهمة أنت إيه اللي مضايقك، أكيد ربنا مش هيكون عايز لي أي حاجة وحشة، وأنا راضية بأي حاجه هتحصلي، رغم الألم والعذاب اللي كنتي فيه كنتي دايمًا بتضحكي وحابة الدنيا وحابة كل اللي حوليكي وخليتي كل اللي حوليكي يحبوكي".

وأضاف: "شكرا يا رودي علمتيني حاجات كتير حلوة برغم صغر سنك، هتوحشيني أوي، بس الحاجة اللي هتهون عليا إنك أكيد دلوقتي في الجنة، فرحان وبتجري وبتلعبي، سلام مؤقت يا بنوتي".