تحرص كل فتاة دائمًا أن تكون بعيدة عن سؤال بعينه تتعرض له بين الحين والآخر، وغالبًا ما يكون عن حياتها الشخصية، وتقوم للخروج من مأزق إجابته بإبتكار عدد من الردود التي تضع الفتيات أمام البعض في طائلة قلة الذوق أو عدم التقدير.

ويرصد"المواطن" خلال هذا التقرير أبرز الأسئلة التي تتسبب فى إحراج الفتيات عمومًا.

إنتي بتأكلي كل ده يا بنتي؟
قالت هند السيد إذاعية براديو عرب إف إم:"مش عارفة بس ممكن أكتر أسئلة بتستفزني من الناس اللي معرفهاش بيحشروا نفسهم في اللي ملهمش فيه، انتي بتاكلي كل ده يابنتي ارحمي نفسك في حين أكيد مش بأكل كتير كده"

وزنك كام ؟
روت دعاء عبد الحفيظ، حكايتها مع الأسئلة المحرجة، فقالت:"كتير من الناس بتتدخل في حياة الآخرين بشكل مبالغ فيه بأسئلة مستفزة، فأكتر سؤال محرج وجه لي كان وزنك كام كيلو".

أنتي قصيرة أوي كده ليه؟
وقالت سعاد محمد: "أكتر سؤال محرج إنتي قصيرة كدة ليه، فوقتها كنت إما مش برد أو أقول ضغطوني وأنا بتولد فقصرت، أو حد داس عليا".

مش هنفرح بيكي ولا ايه؟
وقالت نرمين محمد: السؤال عن سبب تأخر زواجي، تحول السؤال لعبء كبير، وتحول لشبح مرعب أهرب من التعاملات مع الناس بسببه".

انتي مخلفتيش لسة لحد دلوقتي؟
فيما روت دينا غريب، سؤال ليه مخلفتيش لحد دلوقتي، فقالت: أنا ربنا مرزقنيش بالأطفال بقالي 6 سنين متجوزة، وربنا مش رايد يكون عندي أطفال، وكل ما حد يشوفني يسألني عن السبب فبضطر أرد أي رد ناس كتير مش بيكون قصدهم غير إنهم يطمنوا عليا بس فعلًا السؤال ده وحش أوي".

عندك كام سنة؟
وقالت مروة إسلام: "سؤال عندك كام سنة، وبجد يعتبر تطفل، لأن معروف أن الأنثى مش بتحب تظهر سنها كبير، علشان كده قلة الذوق خير رد على سؤال زي ده، لا سيما وإن اللي بيسأله قصده إنه يحرج اللي قدامه".