بمناسبة الإحتفال بيوم اليتيم، نظم اليوم  عدد من الشباب المتطوعين، ماراثون "جري يوم اليتيم" بمنطقة نادي مياه النيل، أمام دار الأوبرا ،حيث يعمل المنظمون علي مساعدة الشباب والأطفال الأيتام، وغيرهم في الخروج من "الروتين اليومي" ومساعدة الشباب في تغيير نمط حياتهم اليومية.

وقال حسن أمين، أحد المشاركين في تنظيم الماراثون: "أنا كان وزني 450 كيلو، وخسيت بقيت 75 كيلو، علشان ظبطت أكلي، وكان "الخل" عامل أساسي في التخسيس، وبقول لكل الناس تنزل، وبلاش تبقا قاعد مكسل، هتحس إن اليوم مختلف خالص، وهتلاقي منظمين بيساعدوك إن اليوم بتاعك يكون حلو، هيعلموك إزاي تجري وازاي تشارك بطريقة منظمة في الحفل، والنهاردة يومنا متخصص للخير للأيتام، وفيه ماراثون تاني قريب، وياريت الناس كلها تنزل".

وقال آخر: "إحنا نازلين نساعد ونفرح الأطفال اللي قاعدين طول السنة مش لاقيين حد يسأل عليهم واحنا كل يوم جمعه، بنكون نازلين نشوف أي حد محتاج مساعدة، وبنحاول نساعده ونفرحه، خصوصا الأطفال الأيتام اللي مش لاقيين حد يسال عليهم طول السنة.

الجدير بالذكر، أن يوم اليتيم هو يوم مخصص للطفل اليتيم، يُحتفل به في الجمعة الأولى من شهر إبريل كل عام.