عم حارث في حوار لـ"المواطن سبورت": "لن أنسى موقف تريكة.. بركات ملك الكبدة.. وهذا أصعب موقف"

الإثنين 01/مايو/2017 - 12:52 م

أحمد بدر

احتفالا بعيد العمال اليوم، لم ينسى "المواطن سبورت" الأيادي الخلفية التي عملت في الخفاء لإنجاح مسيرة الأهلي الكروية على مر التاريخ.

وفي حوار خاص لـ "المواطن سبورت" قال عم حارث : "أنا قضيت عمري كله في الأهلي من صغري وانا في الأهلي وعمري ما هسيب الأهلي غير لما أموت".

وتحدث عم حارث عمن مروا به خلال عيشه داخل أسوار القلعة الحمراء، بداية من النجم والأسطورة محمود الخطيب، مرورا بأبو تريكة وبركات.

الخطيب:

"الخطيب ده أحرف لاعب في العالم قديمًا وحاليًا لم أرى مثله الجميع يحبه ولم يفتعل أي أزمات طوال حياته في التدريبات ومواقفه جميعها لا تنسى أبدًا".

أبو تريكة:

"أبو تريكة مثال الأدب والالتزام الجميع يلجأ إليه في الفريق أيام ما كان موجود كلوا بيثق في رأيه.. ومش هنسى يوم ما جالي فرح بنتي في الشارع".

بركات:

"أبو دم خفيف كان يعشق الهزار عمري ما شوفته مهموم تمامًا وحشني والله.. مش هنسى سندوتشات الكبدة والسجق".

عصام الحضري:

"أول واحد كان يجي التدريبات تفاجات برحيله.. لقيته مرة واحدةبيقولوا مش جاي ثاني مصدقتش في الأول.. بس الحضري ده أخويا اللي امي مجبتوش.. ومش هنسى جدعنته".

واكد ان جميع لاعبو الأهلي الذين مرو عليه يقدرونه ويحترموه، قائلا : "واللعيبة اللي بتعاملني كويس؟.. كلوا بيعاملني كويس ممكن فجميع لاعبي الأهلي محترمين كلهم محترمين".

كشف عم حارث عن أقرب اللاعبين له قائلا : "اللعيبة اللي صحابي أوي دايمًا حراس المرمى بيبقوا قريبين مني جدا ولكن دلوقتي الناس القديمة هما اللي قريبين مني علشان عارفين انا خدمت الأهلي ازاي".