ابنى استشهد يامصر بنادى عليه لقيته.. قوم ياولد.. قوم ياولد انت قولتيلى هخلص على أعداء البلد وارجعلك ظهرى انحنى من بعدك يابنى...لا..انت مش ابنى أنا بس...انت ابن مصر
ابنى عندك يارب عليك العوض ومنك العوض يارب
قالولها مات وجابولها صورته قالت ماماتش
قالولها مات وجابولها حاجته متعاصه دم
قالت ماماتش.!!
جابولها ورقه من بنطلونه محلفها فيها لو مات شهيد تفضل تزغرط وماتصوتش !!
فضلت تزغرط لحد صوتها ماراح خلاص..
وفي الارض طبت وراحت مجاتش.
. قالولها اصحي ابنك مماتش..
قامت تدور عليه وتنده في كل حته ولاحد رد..
تخش أوضته وعليه تدور ولا شايفه حد..
فتحت دولابه مسكت هدومه تشم ريحته لاقت هدومه ريحتها ورد.!!
أخدت قميص وقعدت علي حرف سريره وعينها نعست.
شافت حبيبها عمال بيضحك ويقول لها عاوزاني امووت ؟؟
انا يا اما حي والله حي طب امسكيني والمسيني واحضنيني زي ماحاضنك..
هاتي ايديكي وصدقيني أنا لسه حي.. وصدقيني حقي جاي..
أنا بس عايزك تكوني صابرة وجامدة وصامدة..
وهتشوفيني في أي واحد واقف مكاني..
ولسه في الف غيري هيموت تاني..
يا أمى اللي زيك تفرحي ابنك شهيد وعريس في ألف عروسه في الجنة يا أمى مستنياني..
قامت ياعيني من الحلم تجري وتمسك في بدله وتقول يا ابني ضاعت أماني وراحت أمالي..
مين هيلبس البدلة اللي جايبهالك..
انا كنت من تحويشه العمر شاريهالك..
انا كنت خايفه ماتعجبكش..
دانا يابني قالولي ضناكي مات وبقول ماماتش..
اجيب حبيبي الصبر منين خلاص معادش..
ياناس دي اخر مره جاني مالحقش ييجي وماقعدش..!!

اللهم ارحم جميع شهداء مصر. اللهمّ آمين يارب العالمين