أنا ضابط جيش خليك فاكر
أنا اللي قضيت عمري كله مسافر
الحكاية بدأت في عنابر
والسراير مرصوصة جنب السراير...
الكلام بحساب
الحركة بحساب
والأكل بحساب
ثااااااااااااااااااابت
الشاويش والصول والضابط واقفين علي الباب
اجري يلا الطابور
الدخول والخروج بالدور
أجمد واثبت يا بطل
مفيش حاجة اسمها مش قادر
عدت شهور وسنين
وبقينا ضباط جامدين
مسئولية وغربة وعساكر
روح هناك.......حاضر
تعالى هنا.........أوامر
أنا تمام التمام وحاضر
مين فيكو نام غير على سريره؟
أنا بقا من كترهم مش فاكر
كام مرة جعت عطشت ؟
أنا مش فاكر
اكتر مرة فيها وقفت؟
يرضوا أنا مش فاكر
ولادك يكبروا قدامك
وأنا كأني مهاجر
ضيف وضيف فبيتى
يلا جهزي الشنطة بكرة مسافر
جاى امتى؟
انتى بس كترى الشرابات واللبس والغيارات
طالعين المرادى مشروع
وبعدها كأم موضوع
مقدرش اقول
ممنوع
ومعرفش جاى امتى م الآخر
من النجمة صاحي
روحي على كفى وعلى كتفي سلاحي
سامع ياثورجى
سامع يا إخوانى
سامع ياصباحى
أنا كل خطوة بخطيها بأوامر
أنا دمى بيسيل وأنت بتتاجر
وراء الميكروفونات كرافتات وفساتين وحناجر
كلام فكلام مناظر فمناظر
ألزم حدودك أدب
لو محدش أدبك أنا قادر
عشان واحد قليل الأدب يقول عسكر وعساكر
كلكو منافقين
شلة منتفعين
والمستخبى اكتر من الباين
استر ياساتر
البر ادعى هرب
خالد على قليل أدب
وبنت محفوظ مشافتش أصلا أدب
والأسواني حرامي أدب
أنا اللي عاملك قيمة ياناكر
اقرأ من أول مينا
ولحد ثورة يناير
عرابي كان بطل
وخطر التتار لحد عندنا بطل
ومحمد على لحد أوروبا وصل
وركعت إسرائيل تحت بيادتى
روح شوف حسابك فالبنوك
اسمع كلام أسيادك يامملوك
عارف أنا مين ياصعلوك
أنا اللي صوتي كبر في السما ولا مش فاكر
بردانة يابلد والدفا غالى
سرقوا غطاكى وناموا هما فقصور بسور عالي
اصغر عسكري فينا أغلى من الغالي
أنا غنوتك يابلد وانتى موالى
أنا عريسك تشهيدك يا حلالي
أنا اللي قضيت عمري كله مسافر
أنا ضابط "جيش" خليك فاكر .