نشرت الفنانة شيري محمد، على صفحتها الشخصية بموقع التواصل الاجتماعى «فيس بوك» حوارًا بينها وبين المنتج محمد السبكي، وهو يطلب منها صور مُخلة بالآداب، خلال حوارهما بالرسائل الشخصية.

وعلقت شيري قائلة: "عشان أشتغل معاهم لازم أكون «شمال»، أنا بشتغل بالتمثيل من زمان ومش انت اللي هتقف عليك، وهثبت مواهبي، وإن شاء الله ربنا معايا، وربنا يخلصنا من أمثالكم، وشوف لما تقابل ربنا هتاخد معاك إيه غير أعمالك".

وجاء رد المنتج "أحمد السبكي" في تصريحه على صفحته الشخصية على موقع التواصل الاجتماعي "فيس بوك"، عن كلام "شيري" بقوله: "طب نقول كمان ولو أن الموضوع مش مستاهل توضيح، ده الصفحة الوحيدة للمنتج محمد السبكي على فيس بوك، والبيدج الرسمية لشركة محمد السبكي للإنتاج السينمائي معروفة للناس كلها، أي حساب تاني بيتكلم بلسان محمد السبكي أكيد مش بتاعه".

وأضاف السبكى: "إحنا من ناحيتنا بناخد كل الإجراءات الممكنة ضد أي حساب أو صفحة بتنتحل شخصية المنتج محمد السبكي، أو بيتكلم باسم شركة محمد السبكي وياريت الناس اللي دايرة بكلام ملوش أي معنى، وناس وراهم بتردد نفس الكلام وخلاص تتأكد من الكلام قبل ما تقوله أو تردده، طبعا إلا لو أن الكلام جاي على هواهم أو مبسوطين بترديده وخلاص".

وحررت مؤخرًا الفنانة الشابة "نهلة زكي"، محضر للنائب العام ضد المنتج السينمائي محمد السبكي، تتهمه فيه بالتحرش الجنسي بها، وتهديدها بتشويه وجهها بماء النار، أثناء محاولتها الاتفاق على إنهاء عقد الاحتكار معها.

وقالت في بلاغها أن "السبكي" هددها بالخطف، وإلقاء "مادة كيميائية" على وجهها وتشويهها بالكامل، عندما حاولت الذهاب إلى مكتبه للتفاوض معه لفسخ عقد الاحتكار المبرم بينهما.