علقت الفنانة زينة بعد حكم جلسة أمس في القضية المعروفة إعلاميًا بـ"أحمد عز وزينة " عبر صفحتها الشخصية على موقع التواصل الاجتماعي الشهير للصور والفيديوهات "إنستجرام".

وقالت زينة: "الحمد لله النهاردة كانت أخر قضية رافعها علينا الشيطان، والحمد لله ما يقدرش الشيطان يرفع أي قضية تاني، الموضوع اتقفل نهائيا ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا".

وتابعت زينة: "الشيطان ده قبل ما يخسر كل القضايا خسر نفسه اللي مش موجودة أصلا وضميره المعدوم وحتى شكله اللي بقي أستغفر الله العظيم، نصيحة ليكم أياكم والظلم أياكم والقسم بالكذب".

واستكملت زينه: "كلمة اقسم بالله بالكذب بتهز السموات، بص يا شيطان كل القضايا اللي ينفع ترفعها خسرتها، كبيرك تتكلم في سمعة أم ولادك وأنت عارف بتقول كده".

واستطردت في الحديث قائلة: "شكرًا الأستاذ الكبير المحترم معتز الدكر المحامي اللي تعب معايا خلاص ارتاح من قلقي والصداع اللي عملتهوله، ومبروك يا أستاذ معتز على قدوم القمر زينة الصغيرة، وربنا يكرمك ويخلي زينه وعبدالله، كملت مسيرة الأستاذ الكبير محمد الدكر الله يرحمه يارب.

واستكملت في شكرها موضحه شكرًا الأستاذ عاصم قنديل المحامي الكبير اللي بعتبره واحد من أهلي، أنا تعبتك أوي يا أستاذ ربنا يخلي حضرتك، وأرجوكوا سامحوني على الصورة دي واعرفوا أنها مخوفاني أنا كمان والله للأمانة ما كان هو ده شكله، بس الظلم والقسم كدب بينزل غضب ربنا على أغلى حاجة عند الإنسان، وده أغلي حاجه عنده وشه، بعتذر عن بشاعة المنظر، دي أحدث صورة للشيطان لقيتها في وشي معلش، وهاشيلها كمان شوية".

وبعد أن نشرت صورة عز علي صفحتها تمت حذفها من موقع الصور "إنستجرام" لتؤكد أن الخبر لا يهما في شيء.