مرتضى يشن هجوما عنيفا على أحمد سليمان
الخميس 14/سبتمبر/2017 - 04:49 م
محمد عماد
طباعة
شن مرتضى منصور رئيس نادي الزمالك، هجومًا عنيفًا على أحمد سليمان عضو مجلس الإدارة المستقيل والمرشح المحتمل لرئاسة النادي.
وقال منصور، "الولد الحرامى البلطجي اللي كذب وقال أصل 6 كتفوني وأنا داخل النادي وجبنا الفيديو وهو بيضرب الناس".
تابع رئيس النادي "قال أصل أنا استفزيت لما مراتي ضايقوها وهي داخلة النادي وجبنالك الفيديو ودخلت بمنتهى الأدب والإحترام وهي محدش يعرفها أصلا".
واصل، "أنت عملت بيان وقولت أنها مش مراتك وأنا صورتك وأنت قاعد معاها في الحديقة لما دخلت النادي، وقولت لما دخلت النادي قولت كان 50 ألف واحد قعدوا وفرحانين وهما معاك وهو ولد بس اللي اتصور معاك وكنت فرحان".
أضاف، "كل اللي قعد معاك هما 4 أفراد فقط وده حجمك وللأسف قال على صحافيين كتير أنهم دلاديل مرتضى منصور علشان بيقفوا وراه، وأنت الدلدول الكبير لما كنت بتمشي ورايا وعيب أنك تتكلم على صحفيين محترمين وتقول عليهم كدة".
وواصل حديثه قائلاً، "كنت أسد في ميت غمر وأدامه 100 ألف وأنت كنت قاعد مزهول وكنت واحد من المعجبين بالراجل المحترم اللي إسمه أسد، أنت روحت ميت غمر مخصوص يبقى اسمه دلدول ولا إيه، ومقعدتش على المنصة لأ أنت كنت قاعد وسط الناس".
اختتم حديثه قائلا، "مسمعش صوتك ولا أشوف خلقتك في النادي غير يوم التحقيق، وهتعود تبلطج علشان ظابط شرطة ولا واد مطرود من النادي وعبيط ضربوه على المؤخرة في العمارة عنده وجه هو وأمه وخالته وخاله الحاج سيد ويقولي الحقنا".
