فاجأ الفنان أحمد فهمي، الحضور بمقدمة كوميدية ساخرة في حفل افتتاح فعاليات الدورة الأولى من مهرجان الجونة السينمائي.
وأكد أحمد فهمي، خلال تقديمه لفقرته الفنية على المسرح، قائلا: "طبعًا قمة الإحباط أن انتو تيجوا لحد الجونة، وتلاقو إن أنا اللي بقدم المهرجان، طبعًا انتو جاين وكل واحد شاري بدلة وكل واحدة جايه بفستان جديد، وعشمان يلاقي مكاني عزت أبو عوف أو حسين فهمي".
وأضاف: "الناس اللي ريحتها حلوة دي وبتشرف أي مهرجان، بس الحقيقة هي مش غلطتي هي غلطة نجيب ساويرس، لأنه صارف كثير على المهرجان ده ونفسه ينجح يسترخص في باند زي ده".
وتابع: "يقدر يجيب كريم عبدالعزيز، وأحمد حلمي، وأحمد عز، والسقا، بس لو السقا لازم نبلغه قبلها بشهرين، لأنه بيجي الجونة بالحصان، هو بيقف بس في الكماين يشرب في الحصان ويكمل، لأن الحصان بيتعب لكن السقا ما بيتعبش خالص، أو كان ممكن يجيب محمد رمضان، علشان ثقة في الله كان يبقى رقم 2 بالإيرادات الجديدة".