بالفيديو.. مجدي عبد الغني لـ"شوبير": بلاش يا بتاع "هبة" كل فضايحك معايا
الأحد 03/ديسمبر/2017 - 07:40 م
ابراهيم الطيب
طباعة
شن مجدي عبدالغني،عضو مجلس ادارة اتحاد الكرة المصري،هجوم حاد على أحمد شوبير حارس الأهلي ومنتخب مصر السابق وذلك عقب مهاجمة الأخير لـ"عبدالغني" بسبب دعمه لمحمود طاهر في انتخابات الأهلي التي فاز بها محمود الخطيب.
وقال مجدي عبدالغني في تصريحات إذاعية صباح اليوم :أريد أن أشكر محمود طاهر الرئيس السابق للأهلي انطلاقًا من مباديء النادي الذي علمنا الاخلاق والاحترام، وأقول للموتورين أنا أعرف محمود الخطيب أكثر منكم لكن لي رأيي الخاص ولا بدّ أن يحترم، كما تحترم أرائكم.
ووجه حديثه إلى أحمد شوبير زميله السابق في الأهلي قائلًا: إذا كان شوبير يتحدث عن مبادئ الأهلي، فليخبرنا أين كانت تلك المبادئ عندما سجل له مقطع صوتى من إحدى مكالماته مع "هبة "، وأين كانت تلك المبادئ في سبابه مرتضى منصور رئيس الزمالك.
وأضاف عبد الغني "يا شوبير خليك في نفسك، أنا قولتلك إعمل نفسك ماشفتنيش ومسمعتش، أن شوفتك في اتحاد الكرة بتعمل ايه بس مش هتكلم ".
وهاجم مجدي عبدالغني القناة المسئولة عن تواجد شوبير في الاعلام: هي العيب في القناة بتاعتك العيب مش عليك العيب على اللى ادوك الهوا، مرة شادي محمد ومرة مجدي عبد الغني هو انت هتسوقنا انت عايزنا كلنا نمشي على مزاجك ".
واشار عبدالغني عن هجوم "شوبير" لمهاجمته لصالح سليم قائلًا: أين كانت المباديء عندما قلت عن صالح سليم بيشتغل عند العرب، وهاجمته في مقالتك انت ناسي، ورفعت قضية على الأهلي عندما منعوك من دخول النادي واستكملت القضية.
وقال عضو مجلس إدارة اتحاد الكرة: " انت عارف أنا مين وانتم ين يا شوبير أنا ماجيتش بشبشب، أنت قبضت اعلانات من دومتي وكله تمام عايز اكتر من كده ايه، عايز اكتر من كده ايه ".
وأضاف البلدوزر: " انت استضفت مرتضى ومعاه الملفات أنا لو منك ما استضيفهوش أصلًا، يا عم عيب كده هو لازم الواحد يقعدك في البيت عشان تحترمه، أنا ماجيبتش سيرتك بتجيب سيرتي ليه بلاش أنا بلاويك معايا كل ده عشان فلوس! ".
وهدد عبد الغني أحمد شوبير قائلًا: لو جيبت سيرتي تاني هشتري هوا واطلع اشرح كل اللي عندك، انت كان ليك مهمه لكن انا ماليش دعوه أبعد عني، انت أول من تهجم على رئيس الأهلي وولاده مش طايقينك".
وبسؤاله عن رأيه في إحدى صفحات الفيس بوك التي حملت اسم القائمة السوداء لرموز الأهلي قال عبد الغني: مين عمل القائمة دي هو انا مش من رموز الأهلي مين أهبل عمل ده احنا رموز الأهلي أى عيل صغير عامل فيه مشجع يحب الأهلي اكتر مننا احنا كنا هنموت في طائرات عشان الأهلي وجبنا بطولات ده عيل أهبل عمل الصفحة دي أنا رمز تاريخي ومجهودي وعرقي لا اشتريتها ولا خدتها دبلومة انا ماروحتش انتخابات الاهلي غير مرة واحدة عشان اقول راي انتوا قلبتوها خناقة!
وأشار عضو مجلس إدارة اتحاد الكرة إلى عدم مساندة محمود الخطيب له في الانتخابات السابقة بالقلعة الحمراء قائلًا:" هو ليه ماحدش اتكلم لما دخلت الانتخابات ومحمود الخطيب موقفش معايا كان واقف مع إبراهيم المعلم وماسلمش عليا وانا واقف جنبه وما قولتش حاجه محدش عملى حاجه هو انا خدت منصب في الأهلي من محمود طاهر ولا كنت مستنى حاجه".
