هنأ الفنان محمد انور، اللاعب محمد صلاح، لاعب نادي ليفربول الإنجليزى، بعد حصوله على جائزة افضل لاعب فى إفريقيا لعام 2017، من الاتحاد الإفريقي لكرة القدم - كاف - العالمية.

وكتب انور، عبر حسابه الرسمي بموقع الصور والفيديوهات الشهير "انستجرام"، قائلا: "الصورتين دول الفرق بينهم سنين تعب وشقي واجتهاد واصرار علي الوصول لاحلامه "حلم لبلده انه يوصلها لكاس العالم وحلمه الشخصي انه يبقي احسن لاعب في افريقيا" والحلم ده من كتر ايمانه بيه صدقناه واصبح مش حلمه هو بس..بقي حلم شعب كامل".

وتابع قائلًا:"وبعد جهد كبير الحلم اصبح حقيقه ومصر دخلت كاس العالم وهو بقي احسن لاعب في افريقيا، وبسببه الشعب حلمه زاد وبقي شايف اننا ممكن ناخد كاس العالم وانه كمان قريب هيبقي احسن لاعب في العالم..وليه لأ ؟؟ شكرا محمد صلاح انك وسعت احلامنا وخلتنا نصدق اننا ممكن نحققها وبقيت قدوه ومثل لكل شاب مصري كان شايف ان الحلم مستحيل".