زعم مسئولو صفحة "شاومينج بيغشش ثانوية عامة"، في تحدٍ جديد لوزارة التربية والتعليم، عن تعديل درجات طلاب الثانوية العامة من داخل الكنترول، بمقابل مادي، وذلك بعد ساعات من تهديدهم للوزارة بقدرتهم على تغيير النتائج، وبعد عمل استفتاء للطلبة.
وحددت "شاومينج بيغشش ثانوية عامة" على صفحتها بـ"فيس بوك"، عملية رفع الدرجات بحد أقصى لكل مادة.
وقالت الصفحة: "بعد معرفة آراء جميع الطلبة والأخذ برأي الأغلبية، قررنا إننا هنعدل في النتائج من الكنترول، وطبعا لأن الطلبة كتير جدا ومش هنقدر نغير للكل مرة واحدة يبقا لازم يكون فيه نظام".
وأضافت: "اللى حابب يرفع الدرجات يتواصل معانا على الرسائل الخاصة بالصفحة وهنفهمه أكتر ازاي هنرفعله الدرجات ونرجو إن اللي عاوز يغير الدرجات فقط هو اللي يتواصل معانا علشان فيه ضغط على الرسائل ومش هنعرف نرد على الكل".
وتابعت "شاومينج بيغشش ثانوية عامة": "رفع الدرجات هيكون بمقابل مادي بسيط عشان الكل يبقى عارف قبل ما يتواصل عشان ميقولش إننا بنستغل حد، ده غير إن رفع درجات أي مادة هيكون ليه حد أقصى للرفع".