ماسأة إنسانية تعيشها اسرة طفل يبلغ من العمر 10أعوام بعد فقد قدميه الإثنين إثر سقوطه تحت عجلات القطار بمركز بيلا بمحافظة كفرالشيخ ،حيث يرقد الطفل الأن فى غرفة الرعاية المركزة بمستشفى كفرالشيخ العام فى إنتظار إجراء عدد من العمليات الجراحية بعد تهتك الشرايين إثر فقدان الساقين .
الطفل فارس محمد مجدى التلميذ بالمدرسة ا لإبتدائية فى قرية الابعادية التابعة لمركز الحامول بمحافظة كفرالشيخ ،والذى يعيش مع والدته بعد إنفصالها عن زوجها لا يدر بما يدور حوله بسبب صغر سنه وعدم قدرته على إستيعاب ماحدث إلا انه اكد ان زميله ادم إقترح عليه ترك المدرسة والذهاب للتنزه وإستقلال القطار اللذى لم يستقله طيلة عمره .
وقال الطفل فى كلمات متقطعه ،ان زميله ادم فى المدرسة قال له تعالى نروح نتفسح ونركب القطر ونزوغ من المدرسة وبعد ما اقنعه ذهبوا لاحد محطات القطار وركبوا وبعد شوية قاله تعالى ننزل بقة علشان احنا مش عارفين هنروح فين .
اضاف الطفل وهو يبكى انا مش عارف ايه اللى حصل وزميلى زقنى وقعت تحت القطر ورجلى اتقطعت وخدونى فى الاسعاف وانا مش هقدر امشى تانى انا سمعت الدكتور بيقول لماما كدة .
وقالت والدة الطفل التى يرقد الان بغرفة العناية المركزة بمستشفى كفرالشيخ العام ،أنها لم تصدق حتى الأن ماحدث وانها تشعر انها فى غيبوبة من هول الصدمة بعد الصراخ المستمر الذى ينتاب نجلها .
اضافت والدة الطفل قائلة خلاص ابنى راح مبقاش هيمشى وبقى عاجز وانا ظروفى وحشة بعد ما أطلقت من ابوه ومعايا 3أطفال بصرف عليهم من بيع المناديل وعنده شريانيين مقطوعين ومحتاج لعملية اضافة لاى أطراف صناعية او جهاز يمشى عليه .

أوضحت والد الطفل الذى فقد ساقيه تحت عجلات القطار قائلة عسكرى مسك ابنى من دماغه علشان القطر ميأكلوش كله والواد التانى لما شاف الدم ورجل ابنى مقطوعة جرى وخاف ومعرفش عنه حاجة .
انهت حديثها قائلة انا مش هسيب حق ابنى بس عاوزة اعالجه ومش معايا فلوس عاوزاه يمشى على رجله تانى ويروح مدرسته وانا ست على قد حالى ببيع مناديل علشان اصرف عليه وعلى اخواته .