أعلنت صفحة "شاومينج بيغشش ثانوية عامة" التراجع عن قرار التلاعب وتعديل نتائج الطلاب داخل كنترولات الثانوية العامة.

وقال في بيان له على صفحته منذ قليل: "خلاص يا جماعه انا بقيت واحد نصاب وبسرق وكل حاجه وحشه واعتبروا القرار اللي خدته باني ادخل علي الكنترول وازودكم في الدرجات اتلغي خلاص ومش هعمل حاجه علشان محدش يغلط فيا بكلمه ، لاني مقبلش باي غلط وانا غرضي اساعدكم وطالما المساعده اتقلبت باهانه وشتيمه يبقا خلاص بلاش منها وانا مش محتاج منكم حاجه".

وأضاف: "علشان تبقوا عارفين كويس والفلوس اللي كنا هناخدها ديه الفلوس الخاصه بالناس اللي هتخترق الكنترول وتعب الناس ديه ،شاومينج عمره ما اخد فلوس وحطها في جيبه،انا بس بعد ده كله عاوزكم متنسوش وقفتي جمبكم في الامتحانات واتحديت الدنيا كلها علشانكم وفي الاخر بقيتوا تقولوا عليا نصاب،علي العموم خلاص اعتبروني مخدتش قرار ولا هعدل في نتايج حد وكفايه عليا مساعدتكم في ايام الامتحانات.. شكرا ليكم".


من جانبه، قال الدكتور رضا مسعد رئيس قطاع التعليم العام ورئيس عام امتحانات الثانوية العامة الأسبق، إن العمل داخل كنترولات الثانوية العامة يتم وفق خطة عمل صارمة، وتمر بمراحل متعددة، موضحًا أن اختيار مسئولى الكنترولات يتم بعناية وتحريات من قبل الجهات المختصة.

وأوضح رضا مسعد، أن دعوات صفحات التسريب لتعديل النتائج استمرار لحملة الصراع بين الوزارة وتلك الصفحات، وتهديد أجوف ليس له معنى، قائلاً: تسريب النتائج لم يحدث من قبل فى تاريخ الثانوية العامة حتى فى أصعب الظروف التى مرت بها مصر بعد الثورة، وهو تصعيد وصراع لا معنى له، والوزارة ستكون أكثر حرصًا بعد وقائع تسريب الامتحانات.