انطلقت اليوم الثلاثاء ثاني أيام انتخابات الرئاسة المصرية 2018 وتستمر إلى غدا يوم الأربعاء الموافق 28 من شهر مارس الجاري، ومع انطلاق الانتخابات الرئاسية، تناولت "بوابة المواطن" إجابات بعض الناخبين في نزولهم لجنة إنتخابات مصر2018 ردا علي سؤال "نزلت تنتخب ليه؟ والتي جاءت متنوعة في ردودها:
"عشان البلد دي تفضل في احسن حال":
عبر ناخب عن رأيه في نزول الانتخابات قائلا: "عشان البلد دي تفضل دايما في أحسن حال، مش عايزنها تدمر او يحصل فيها لا قدر الله غراب او انهيار، هنقف جانبها لحد الآخر، وان شاء الله هنبقي في أحسن حال".

"عشان صورتنا قدام العالم":
كان رأي ناخب أخر الذي بدأ كلامه:"عشان صورتنا قدام العالم، الفكرة مش الانتخابات محسومة لمين، الفكرة ان البلد دي تبان ديمقراطية وكلنا نبان اصحاب عقل واحد وفكر واحد وايد واحدة، عشان الموقف ده دلوقتي اللي هيخلينا نكمل ونعدي المحن".

"عشان ولادي واحفادي":
اجابة ناخب علي سؤال "نزلت انتخبت ليه؟" قائلا:" عشان ولادي واحفادي، حتي لو ماكنش عشاني أنا، اكيد الامور صعبة نوعا ما علي كل الناس، بس علي الاقل اللي ما اقدرتش انا اعمله ليه، اقدر حتي اوفره لولادي واحفادي من بعدي، البلد دي لازم تفضل غالية".

"عشان رئيس يستاهل":
بدأ كلامه ناخب أخر قائلا: "عشان فيها رئيس يستاهل حب البلد دي بجد، واداها علي قد ما قدر، واثقين فيه بزيادة مهما كان الشكل دلوقتي صعب شوية أو مختلف، بس اكيد اللي وقف جنب البلد كده مسيرها تتغير للافضل، وكلها مسألة وقت".

"عشان لما أقول بحبها يبقي علي حق":
ناخب اخر عبر عن رايه قائلا:" عشان لما اقول بحب البلد دي يبقي علي حق، الحب مش كلام الحب موقف وأفعال، والبلد طالما ليها حق هنزل واقول سواء موافق او رافض، بس حق حبي ليها لازم يبان، وانا بعشق تراب البلد دي".