حكاية من داخل الحرم الجامعي: "بعد 4 سنين عشق حبيبتي حامل وعندها عيال"
230
يعني الموضوع يبدو تقليدي بس هو في منتهى الحلاوة والله، وقت ما بتبص عليا بحس إني مش على بعضي، ببقى عايز أكون في أحسن حال، عشان كدا اتعودت أبقى على سنجة عشرة لما أروح الجامعة، أو لما نخرج مع بعض في أي حته ياااااااااه.
الموضوع عمال يتطور، بصة على كلمة، المُشكلة إن اللي حواليا بدأو يلاحظوا عليا، بس بستعماهم وبكلمها بردو، باينه الحب ابن الـ... دا ولا إيه.
رغم إن الحياة اتطورت كتير عن الطريقة دي، لكن خجله وطريقته الهبلة دي واكلة دماغي، وبقيت بحب فكرة الحاجة السرقة، ليها طعم برده مختلف، لحد ما خد أخينا خطوة جديدة وطلب إننا نقعد مع بعض في مكان هادي. طب نروح فين يا ستي؟ ملحقناش كانوا صحابنا جهم بسلام وقطعوا عننا المية والنور.
أعرف منين المكان الهادي ولا الكلام الحلو اللي كان هيتقال؟ مش عارف بئا، الوقت عمال يعدي، لحد ما في يوم صحابي قالولي حد سأل عليك، طبعًا ارتبكت جدًا خاصة لما طلبت إن اسال مين سال عليا، قولت يخربيت مطنك لو أنتي اللي عملتي كدا، هنتقفش يا بنت العبيطة، لحد ما الفضول قتلني وسألت طلع واحد من زمايلنا بيسال عليا علشان ما روحتش الجامعة: ضحكت حتة ضحكة جابت أخر الجامعة.
الجامعة خلصت وأنا رايح أجيب النتيجة بعد شهرين قابلت صحبتنا لقيتها حامل بسلم عليها عرفت منها انها متجوزة من 4 سنين وعندها عيلين واللي جاي التالت.: ما تنسيش والنبي الواد اللي جاي تسميه على اسمي..