وجهت الفنانة السورية كندة علوش، رسالة إلى كل من ينتقدها، وذلك عبر حسابها الشخصي بموقع تبادل الصور والفيديوهات الشهير "إنستجرام"، قائلة: "تعودت من بداية الأحداث ببلدي سوريا احترم كل شخص حتى المختلفين عني بالرأي.. وبعمري ما أدليت بتصريح أو نشرت كلام في تعصب أو طائفية أو تحريض أو إلغاء لأي طرف من الأطراف بس واضح انو قدرنا نستحمل النماذج المريضة ومفرزاتها المؤذية طالما الأزمة قائمة."

وأضافت كندة، قائلة: "كنت آخدة قرار أني ما أرد على الأشخاص اللي بتألف حكي وتصريحات (تحديدًا سياسية) على لساني.. وبتحاول تشوه صورتي وتورطني بمشاكل وتعرضني لهجوم.. لأنو من بداية الأحداث في ناس مستمرة على نهجًا بترويج الإشاعات وتلفيق الأخبار والتصريحات وتشويه صورتي بكافة الوسائل والطرق والمشكلة انو في ناس بتصدق أي كلام بينقال حتى لو كان غير منطقي وخالي تمامًا من المصداقية وبتنشروا بقصد الأذى او لمجرد الجهل، والي خلاني ارجع عن قراري ورد هو وجود أشخاص محترمين مختلفين عني بالرأي بس حريصين انن يعرفو حقيقة كوني أدليت بتصريح معين او غيرو."

وأكملت "متل التصريح السخيف الي لفق من فترة على لساني والي بيقول إني بتبرأ من جنسيتي السورية.. وإني ما بفتخر فيها والى آخره من هالهزي.. مع اني ما بفوت فرصة لعبر عن مدى فخري بكوني سورية وعن حبي وعشقي لبلدي وأهل بلدي."