علق أحمد حسام ميدو المدير الفني السابق لوادي دجلة على خسارة منتخب مصر أمس أمام روسيا وتوديعه بطولة كأس العالم من الباب الكبير، بعدما تلقى هزيمتين متتاليتين.

وغرد ميدو على حسابه الشخصي بموقع التواصل "تويتر" :"صباح الخير على الجميع كويس ان مصر كلها زعلانه ان احنا طلعنا بالشكل ده مِن المونديال ده دليل ان احنا المره اللي جايه مش هنكتفي بس بالصعود ولكن هنبقى عايزين نعمل كاس عالم كويس وده كلام كويس جدا علشان نمشي لقدام ونتطور".

وأضاف "اهم حاجه لازمً نحترم كوبر وجهازه ولازم ماننساش الإنجاز اللي عملوه ماينفعش نبقى جاحدين!! الناس دي استلمت المنتخب مابيوصلش كاس امّم بقاله ٣ مرات ووصلونا نهائي كاس الامم ووصلونا كاس عالم يبقى ماينفعش ننسالهم كل ده!! الناس دي محترمه أخلصت في كل يوم ودقيقه في عملهم".

وتابع "دلوقتي مصر كلها داقت لذة وحلاوة التواجد في كاس العالم ولازم كلنا نفكر ازاي نعمل كل حاجه علشان نبقى موجودين في كاس العالم اللي جاي وإزاي لما نبقى موجودين مانظهرش بالمستوى ده ونكون شكلنا احسن ونعمل نتايج أفضل".