عندما يقسو القلب يظلم أقرب وأحب الناس وهي صفة اذا حلت بشخص تجعل منه شخصيا انعزاليا فالناس بطبعها تحب الإنسان الحنون الذى يعطي ولو بابتسامة هادئة لكل من حوله، ولكون الإنسان اجتماعيا فإنه لا يستغنى عن الناس ليتعامل معهم ويعطيهم من الخير ويطلب منهم عددا من الخدمات التى يحتاجها في حياته اليومية.

يتفاعل الانسان مع المحيطين به يؤثر ويتأثر بهم، وقد يصادف خلال حياته غلاظ القلوب بحيث يكونون قساةً في التعامل وسيئو الطباع وعنيفون، وبعيدون كل البعد عن التهذيب، والذوق، والرحمة، واللين، ويؤدّي موت القلب وقسوته إلى موت الشعور بالندم وتأنيب الضمير

"سعيد إمام" صاحب الخمسين عامًا، قسى عليه اخواته واقاربه بعد أن ابتلاه الله بفقد البصر فى الآونة الأخيرة، يقول:":" بعد ما نظري راح أخواتي طلعوني من البيت، قعدت في الشارع سنة لحد ما ولاد الحلال عطفوا عليا وساعدوني ولحقوني قبل ميحصل لى اى حاجة والحمد لله على كل حال".

"الناس الغريبة ساعدتني" بهذا الجملة تفوه الرجل الخمسيني وصوته يملؤه الحزن والكسرة وعينيه مليئة بالدموع، يضيف:"وأخواتي رموني في الشارع، حاجة تحّزن القلب مش عارف يعاملوني كذا ازاى وانا كبير فى سن ومعملتش اى حاجة تأذيهم".

يستكمل حديثه قائلًا:"الأزمة دى حصلت لى فجأة ولقيت ولاد الحلال فى الشارع بياخدوني فى مكان كويس حتة ارض وخوص وعيشت فى المكان دا اللى انت شايفه حوالى 6 شهور مع مراتي وبنتي، الواحد مش عارف يشتكيهم لمين وازاى انا احترت".

عالم آخر انتقل إليه "سعيد إمام" عرف فيه الاستقرار والهدوء بعد معاناة طويلة قضاها داخل بيتً صغير من الطين، ارسل اليه القدر سيدة تتبرع له بقطعة ارض يضيف:"الحاجة أحلام ربنا يكرمها هديت البيت اللي عملته من الطين وجابت ناس وبنوا البيت دورين وعملوه زي الفل، خدته منها على المفتاح قعدت فيه وجوزت ابنى وقعد معايا فيه وده جميل عمري ما هنساه ليها، انا لولا ولاد الحلال كان زماني متشرد أنا ومراتي وابني، بس الحمد لله ربنا مش بينسى حد".

أكثر من 7 أعوام قضاها الرجل الخمسيني اعمى البصر الذى تلخصت حياته فى الـ 50 متر، لا يغادره سوى برفقة أحد أطفال الجزيرة ليقوده إلى الجامع للصلاة:" بقضى وقتي مع نفسي بطريقة صعبة جدا، ولما بتيجي وقت الصلاة بنزل وحد من الولاد الصغيرين يسحبني على الجامع وبلاقي اهل الخير بيقفوا جنبي ويسندوني ".

مأساة "إمام" لم تكن فى قسوة اهله فقط، بل تعدت لعدم قدرته على توفير نفقة علاجه يضيف:"العلاج اللي مش بقدر ادفع حقه هما بيشتروه ليا ولاد الحلال بحمد ربنا على كل حال ودايما الدنيا فيها ناس بخير ومعرفش هرجع لاهلى امتي لكن اللى اكتشفته مع مرور الوقت الغريب طلع برقبة القريب فعلًا وربنا يخلي لينا أهل الخير اللى بيساعدوني ووفروا ليا ولمراتي الحياة الكويسة بعد مشكلتي".