وجه المنتج وليد منصور، هجوما شديدا على النجم محمد رمضان، عبر حسابه الشخصي بموقع التواصل " فيسبوك" وعلق قائلا: رساله موجهة مني المنتج وليد منصور إلى شخص مجنون يدعى محمد مرضان، وصلني انك بتبعت رسائل من تليفونك الشخصي تتهمني فيها بتغيير أرقام الإيرادات".

وأضاف: مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حماده، اولًا انت اسمك لازم كل مصر تغيره ل محمد مرضان لإنك بتفكرني بالمجانين اللي ماشيين في الشارع ومش عايزين يصدقوا انهم مجانين فإرتاح يا حماده محدش عاقل هيصدقك عمرك ما كنت رقم ١ في الإيراد.

وتابع: وعمرك ما كنت احد نجوم الصف الاول وانت عارف ان السبب ان فنك هابط يامرضان وملامحك للأسف متعرفش تعمل غير دور المدمن او البلطجي او ارهابي او حرامي انا كان نفسي متكلمش عنك لإنك أصلًا بالنسبالي وبالنسبه لكل الشعب الراقي المحترم اكذوبه وانت عارف كويس ان أفلامك طول عمرها بتفشل قدام النجوم المحترمه زي السقا وعز وتامر وأستاذ عادل امام نصيحه يا مرضان روح أتمرن تمثيل بدال مانت أداءك واحد في كل أدوارك يابني انت طبعًا انت هتموت عشان مش عارف تشتري ڤيوز زي أغانيك الهابطه فمفضوح اوي قدام الغلابه اللي مصدقينك اللي بينقرضوا واحد ورا التاني يا ولا "

وأكمل: قسمًا بالله لو لقيتك بتهرتل على اي حد تاني هيكون ردي اعنف من كده واصلًا انا لسه مخلصتش ردي انت هتموت من الغيظ عشان البدله علم عليك ولسه هنعلم اكتر وانت عارف هتتمسخر ازاي الفتره اللي جايه زي مااتمسخرت فكل أفلامك اللي فاتت