المواطن

رئيس مجلسي الإدارة والتحرير
مسعد شاهين
ركابي الجعفري

ركابي الجعفري

باي باي يا طيبه

الجمعة 07/سبتمبر/2018 - 11:43 م
طباعة
باي باي يا طيبه
بجد فعلا حتوحشينا
أتاريكى بقيتى عيبه
وملكيش غير ذكرى تبكينا
بتوجعينا أكتر ما بتواسينا
يتيمه فى دنيا عجيبه
دنيا كافره مبدئها ريبه
دنيا فاجره تضحك لبلاوينا
مبدئها نفاق محتواها غيبه
دنيا تلعب بينا فتكوينا
باى باى ياطيبه ياحبيبه
حتى إخواتك ماتو جوانا وفينا
حتى جدك الحياء رحل وسابك
حتى العتاب خدتى عزاه بعتابك
حتى الخاطر إتبدل بأه على بابك
حتى الأخلاق ماتت وروحها بثيابك
حتى الضمير أصبح أجيرللى يدفع
والأمل نوره إنطفى وماعدش ينفع
والوداد والود تاهو بين قلوب بتوجع
وطيبينك راحو والى راح مش بيرجع
والقرايب الى كانو حبايب بقو بوشين
والإختشا ودعنا ومشى مع الماشين
والأمانه كمان مهانه من متوحشين
وإفرحى يادنيا الكدابين
إنتهى زمن الطيبين
وإبكى ياعين بكل أنين
على حبايب مش راجعين
إبكى على المحبه والأحبه
وإبكى على الحنان وايا الحنين
وإبكى على طفوله صبحت مقتوله
وإبكى على يتيم نام.حزين
باى باى ياطيبه بدون طيبين
باى باى ياقلب طيب
بين ضلوعى سجين

إرسل لصديق

ads
ads

تصويت

هل تعتقد أن صلاح سيتجاوز أزمته الأخيرة مع ليفربول ويعود للتهديف؟

هل تعتقد أن صلاح سيتجاوز أزمته الأخيرة مع ليفربول ويعود للتهديف؟
ads
ads
ads

تابعنا على فيسبوك

تابعنا على تويتر

ads
ads
ads
ads
ads
ads