أعلن الفنان طارق الإبياري، عن احتفاله  يوم الاثنين الموافق 22 الجاري، بذكرى مرور 10 سنوات على أول مسرحية له في الجامعة الأمريكية ، والتي كانت بداية انطلاقته الفنية .


طارق الإبياري
وكتب طارق الإبياري عبر حسابه الشخصي بموقع تبادل الصور والفيديوهات الشهير"إنستجرام" : من عشر سنين وأنا طالب في الجامعة الأمريكية قررت أني أحاول ني احقق حلمي وعملت مسرحية كانت اخراجي ومثلت فيها وانا لسه في سنة اولي في قسم مسرح ورغم كل التحديات والصعوبات اللي وجهاتني ساعتها كنت واثق في ربنا وفعلا ربنا كرمني".

وأضاف: المسرحية نجحت نجاح جامد جدا وكانت من احد اسباب اني اترشحت في فيلم رمضان مبروك وكانت سبب في ان ربنا كرمني وأسست نادي المسرح والسينما في الجامعه الامريكية ودعيت ربنا ساعتها ان لو النادي كمل عشر سنين اني اكون جزء من الاحتفاليه اللي بتحتفل بمرور ١٠ سنين  على الحلم ده ".


وتابع: والحمد لله ربنا بيحققلي أمنيتي أني أكون جزء من الاحتفالية ديه يوم الاتنين اللي جاي ومش بس كده ده كمان حاتشرف اني حاستضيف اتنين من اهم صناع البهجه والفن في الوطن العربي النجم الكبير استاذي محمد هنيدي اللي اتشرفت ان اول فيلمين في حياتي كانوا معاه ".


واختتم: وثانيآ السيناريست والمنتج الكبير الدكتور مدحت العدل اللي انا شخصيا بموت في كل اعماله،الحمد لله وشكرا لنادي المسرح والسينما بالجامعه الامريكية ولأدارة الجامعه الامريكية بالقاهرة وإن شاء الله يوم الاتنين حنحتفل بمرور عشرين سنة علي فيلم صعيدي في الجامعه الامريكية #خلف_راجع وإن شاء الله يبقي يوم جميل، الحمد لله ".

أقراء أيضا طارق الإبياري برفقة أكرم حسني ماذ قال عنه ؟