موسى يبكى على حال الاهلى ويخرج عن شعوره: فريق ميستحقش حد يدافع عنه

دخل الإعلامي أحمد موسى فى نوبة بكاء خلال تقديم برنامجه "على مسئوليتى"، المذاع عبر قناة "صدى البلد"، وذلك بعد هزيمة الأهلي من نادي المقاولون العرب بنتيجة 1-0، ليواصل الفريق بذلك أداءه السيئ الذى بدأ بخسارة دوري ابطال افريقيا من الترجى التونسى، ثم الخروج من دور الـ 16 من البطولة العربية على يد الوصل الإماراتى.

وقال أحمد موسى: "هو اللاعب اللى بيلعب فى الاهلى مش عارف يعنى ايه اهلى.. مش عارف يعني ايه عنده عشرات الملايين من المشجعين حول العالم.. مش عارفين يعني اسم النادي الأهلي بيعمل ايه".

وتابع "موسى": "اللاعبين تايهين فى الملعب.. ليه بتخلونا نخرج عن شعورنا.. ليه بتخلونا نتكلم كده وتحرقوا أعصاب جمهوركوا.. مش عايز حد يدافع عن فرقة.. فريق لا يستحق حد يدافع عنه لا كبير ولا صغير.. دوروا على صفقات انتو عندكو كوارث واخطاء كتيرة.. مكنش حالى الاهلى ده".