نص كلمة السيسي خلال افتتاح الصوب الزراعية في العاشر من رمضان
السبت 22/ديسمبر/2018 - 11:46 ص
وسيم عفيفي
طباعة
تنشر بوابة المواطن الإخبارية نص كلمة الرئيس السيسي خلال افتتاح مشروع الصوب الزراعية في العاشر من رمضان، حيث وجه الرئيس عبدالفتاح السيسي الشكر إلى كل القائمين على مشروع الصوب الزراعية في العاشر من رمضان قائلا " أشكر كل القائمين لإن المشروعات دي مكنتش هتتعمل غير بتعاون كل الجهود، شوف وزارة الكهرباء عشان توفر الكهرباء، ومش ممكن الكلام دا ينجح كمان غير لما توفر المية وخصوصا ان حجم المية المستخدمة أرقام كبيرة".
واستكمل الرئيس السيسي حديثه خلال افتتاح مشروع الصوب الزراعية في العاشر من رمضان "كمان مننساش تعاون بين الشركة ووزارة الزراعة ومركز البحوث، ولازم دا يستمر دا للفترة الجاية، " احنا اتكلمنا عن المشروع دا ممن سنتين وواصلين لـ 100 ألف صوبة وهي الـ 100 فدان، فيه بعض الآراء كانت عايزة 200 ألف فدان صوب، وهو بيدخل مصر في تاني أكبر دولة في العالم في مشروع زراعي زي كدة".
وقال الرئيس عبدالفتاح السيسي خلال افتتاح مشروع الصوب الزراعية في العاشر من رمضان " أنا بقول للمصريين هل دا ميخلكمش دايما حاسين بالسعادة والفخر، واللي قام بالشغل دا شباب مصري، يمكن اللي بيقوم بالموضوع دا الجهاز العسكري، لكن فيه حاجة مهمة متنسوهاش إن اللي كل القائمين من الشباب المصري".
السيسي عن الصوب الزراعية في العاشر من رمضان: مش عايز اقول خطى غير مسبوقة لكنها جيدة.
قال الرئيس عبدالفتاح السيسي خلال افتتاح الصوب الزراعية في العاشر من رمضان " إحنا بنتحرك بخطى جيدة أنا مش عايز اقول غير مسبوقة، حد يسأل تكلفة الصوب دي كمان، انتو لازم تكونوا سعداء بالمشروع دا، والله لو الحاجة دي مش مريحاني هسكت على الأقل، لكن حاجة احنا أنجزناها مع بعض كلنا".
وطالب الرئيس عبدالفتاح السيسي خلال افتتاح الصوب الزراعية في العاشر من رمضان بضرورة استمرار عمليات التأهيل والتدريب والمعايير المعمولة دي لازم نحافظ عليها عشان الأداء دا، إحنا اتكلمنا عن مشروع واحد بس في الزراعة.
وتابع الرئيس عبدالفتاح السيسي أن هذا الانجاز ما كان ليتم لولا تكامل كل الظروف في مصر والتعاون بين الجهات المعنية في الدولة المصرية وهذا مبعث الفخر.
السيسي ممازحا رئيس الوزراء: يعني اللي ممعاهوش فلوس مياكلش أورجانيك ؟
أكد الرئيس عبدالفتاح السيسي أن الجهود المبذولة لإنجاز مشروعات الصوب الزراعية جيدة للغاية، ولا تتوقف فقط على المعروض في الشرح من القائمين على العمل.
وقال الرئيس عبدالفتاح السيسي خلال افتتاح مشروع الصوب الزراعية في العاشر من رمضان " أنا عايز أقلكم إن مثلا بنعمل أكبر مزرعة لانتاج تمور في العالم على 40 ألف فدان بـ 2.5 مليون فدان، أنا مش بقول الأرقام اللي بتتحفظ، إحنا بنعمل كتير .. كتير، وبنعمل الحاجة بشكل متكامل، فلو انت عايز تعمل مشروع زي دا لازم يكون عندك تلاجات ومحطات الفرز ومعامل عشان تشوف المية وكفاءتها".
ومازح الرئيس عبدالفتاح السيسي الدكتور مصطفى مدبولي خلال افتتاح مشروع الصوب الزراعية في العاشر من رمضان، قائلا "هم المصريين مياكلوش أورجينك ؟! يعني اللي معاه فلوس ياكل واللي ممعاهوش مياكلش، لا طبعا .. انتو اجروا معانا واحنا هنجري مع بعض عشان اللي اتعمل دا أمر يسعد ويشرف".
