مهنة تربية الحيوانات، خاصة الكلاب والعصافير من المهن التي لا يقدم عليها الا من يعشق تلك الحيوانات من قلبه ويتعلق بها، الأمر الذي يضطره إلى استئجار مكان لهم لكسب رزقه من ورائهم من ناحية ويكون فى مملكته التي يعشقها من جهة اخري.

وكان لـ "بوابة المواطن" حوار مع تاجر حيوانات للكشف عن الأسرار الدقيقة فى تربية الكلاب والعصافير، مشيرًا إلى أحد الكلاب الذي يجثو بين قدميه في هدوء تام رغم قدرته الكبيرة على الفتك بأي إنسان: "هتلر صاحبي" هكذا بدأ التاجر حديثه: "مش كلبي صحبي معايا من زمان وسنه مش صغير.. فاهمني اوي.. فدول العشق مش مجرد تربية ولا هواية انا بعشق الكلاب من زمان قبل التجارة فيها وقبل المحلات واي حاجة".

وعن فصيلة الكلب الذي يجثو بين قدميه قال، أن هذا الكلب يحبه الجميع ولا يستطيع ان يفصح عن فصيلته، لأن الكثير يرغب فى تقليده، متابعًا: "مش هعرف الناس ده ابن ايه وايه لأنه ابن فصيلتين ميشبهوش لبعض فده الإنتاج بتاعهم".

وعن الأسعار تابع: "بالنسبة للكلاب اسعارها بتختلف.. كل فصيلة لها سعر وكل نقاء السلالة ليها سعر.. الجيرمن بيبدا من الف جنيه حتى أكثر من 30 ألف.. فيه الكونكورس والاسعار بتبدأ من 3 الاف ونص حتى 10 آلاف".

وعن التربية اوضح: "لو انت مربتش قبل كدة هتبقى مشكلة.. لكن فى البداية لو اول مرة تربي ربي جيرمان لان الكلب ده سلسل فى المعاملة.. بتفهموا بعض.. وبيعلمك ازاي تربي كلب بعد كدة تربي أي نوع.. بالنسبة للشراسة تدريب وتأهيل لأن فيه كلاب شرسة بشكل فطري.. وفيه كلاب مش بتطلع شرسة فبتروح لمدرب يدربها".

وتابع: "الأكل انا بحب الأكل بتاعهم يكون فريش أكل كل "يوم بيومه"، على حد وصفه، وفيه الأكل المجفف بتاعهم.. فيه ناس بتدي العضم للكلب وده غلط لانه بيعمل ترسبات وبيسبب أمراض.. اصح حاجة ليه الاكل الني من أجزاء الفراخ واللحمة".

بالنسبة للعصافير قال: "العصافير الاسترالي اكتر حاجة الناس بتحبها عشان عشان صوتها وسعرها وشكلها.. وكل حاجة لها انواع واسعار فيه منه الغوامق او العادي والاصفر واللاتيني الابيض وعينه حمرة.. وفيه عصافير كوكتيل.. وفيه الحبشي وفيه ايفون.. بالنسبة للحمام فيه العبس وده اسود بقطية وليه مواصفات الطول وعدد الريش في أماكن معينة وفيه الزاجل والجمعية والكشك والشقلباز؟.