عمرو أديب عن وفاة ضابط حزنا على صديقه الشهيد مصطفى عبيد: قصص اكبر من تفاهتنا

علق الإعلامي عمرو اديب خلال تقديم برنامج "الحكاية"، المذاع عبر قناة "ام بي سي مصر"، على واقعة وفاة ضابط حزنا على صديقه الرائد مصطفى عبيد، شهيد كنيسة مدينة نصر.

وقال عمرو اديب: "الأصالة الاخوة النخوة الشهامة الاحترام .. الشهيد اللي وهو بيفك القنبلة مصطفى عبيد صاحبه مات حزنا عليه ..هبوط فى الدورة الدموية شاب زي الفل .. فيه حاجات احنا مش قدها فيه حاجات احنا موصلنهاش منفهماش .. ناس مخلوقة من نور ورايحين للنور".

وتابع "اديب": "صاحبه حزن عليه مات .. لان الشاب رايح يحط ايده فى ايد الموت .. بتاع المفرقعات ده بيحط ايده فى ايد الموت عشانك عشان ناس ميعرفهمش داخل بصدره .. فصحبه اللي في المفرقعات بتاع القاهرة برضه توفي حزنا عليه".

وأشار عمرو اديب: " قصص اكبر مننا ومن حياتنا ومن تفاهتنا .. اكبر من اي حاجة ..شباب زي الورد الله يرحمهم".

يذكر أن عبوة ناسفة موضوعة داخل حقيبة بجوار كنيسة عزبة الهجانة بمدينة نصر، انفجرت مساء السبت الماضي خلال فحصها عن طريق الرائد مصطفى عبيد، الامر الذي نتج عنه أسفر عن استشهاده فى الحال.